ބޮލީވުޑްގެ މަޝްހޫރު ދެ ތަރިން ކަމަށްވާ ރަންބީރު ކަޕޫރާއި އާލިއާ ބަޓަށް ދަރިޔަކު ލިބެން އުޅޭކަން އިއުލާނު ކުރުމަށްފަހު އެދެމީހުންނާ ބެހޭ ގޮތުން ކޮންމެ ދުވަހު ތަފާތު ވާހަކަތަކެއް މީޑިއާއަށް ތިލަވެގެންދެ އެވެ.

އެގޮތުން ދަރިޔަކު ލިބެން އުޅޭތީ އެކަމަށް އެދެ ފަންނާނުން މިހާރުން ފެށިގެން އަންނަނީ ތައްޔާރުވަމުންނެވެ.

އާލިއާ އާއި ރަންބީރު ވެސް އަންނަނީ އެ ދެމީހުންގެ ކުރިއަށް ހުރި ފިލްމުތަކުގެ މަސައްކަތްތައް ވެސް ކުރަމުންނެވެ.

އާލިއާގެ ފުރަތަމަ ހޮލީވުޑް ފިލްމުގެ މަސައްކަތް ނިންމާލާފައިވާއިރު ރަންބީރު މިވަގުތު އަވަދިނެތި އުޅެނީ އޭނާ ކުރިއަށް އޮތް ފިލްމު، "ޝަމްޝޭރާ" ގެ ޕްރޮމޯޝަން މަސައްކަތުގަ އެވެ. އެގޮތުން ރަންބީރު ވަނީ ސްޓާ ޕްލަސްއިން ގެނެސްދޭ "ސްޓާ ޕަރީވާރް" ޝޯގައި ބައިވެރިވެފަ އެވެ.

އެޝޯގައި "އަނުޕަމާ"ގެ އެކްޓަރު ރުޕާލީ ގަންގުލީ ވަނީ ރަންބީރުއަށް ވަނީ ކުއްޖަކު އުރާނެ ގޮތާއި ނެޕީ ބަދަލުކުރާނެ ގޮތްވެސް ކިޔައިދީފަ އެވެ. މިޝޯގައި ރަންބީރު ބުނީ އޭނާ ބޭނުންވަނީ އަންހެން ކުއްޖެއް ކަމަށެވެ.

https://www.instagram.com/p/Cf01DLBqkdB/?utm_source=ig_embed&utm_campaign=embed_video_watch_again

މިދިޔަ މަހު 27 ގައި އާލިއާ ބަނޑު ބޮޑުކަން އިއުލާން ކުރީ އޭނާގެ ފިރިމީހާ ރަންބީރް ކަޕޫރްއާ އެކުގައި ހޮސްޕިޓަލްގައި ނަގާފައިވާ ފޮޓޯއެއް އިންސްޓަގްރާމްގައި ހިއްސާ ކުރަމުންނެވެ.

ރަންބީރު އާއި އާލިއާ ކައިވެނިކޮށްފައިވަނީ މިއަހަރުގެ އޭޕްރީލު މަހުގެ 14 ވަނަ ދުވަހު އެވެ.

ރަންބީރް ފުރަތަމަ އަންހެން ދަރިއަކަށް އުންމީދުކުރާ އިރު، އޭނަގެ ދައްތަ ރިދިމާ ކަޕޫރްގެ ވެސް ހުންނަނީ އަންހެން ދަރިއެކެވެ.