ވީނުވީއެއް ނޭނގި ގެއްލިގެން ހޯދަމުންދިޔަ ޒުވާން އަންހެން ކުއްޖާ ފެނިފައިވާ ކަމަށާއި، އޭނާގެ ހާލު ރަނގަޅު ކަމަށް ފުލުހުން ހާމަކޮށްފި އެވެ.

މި މައްސަލައާ ގުޅިގެން ފުލުހުން ހޯދަމުން ގޮސްފައިވަނީ ލ. މުންޑޫ، ގުލްޒާރުގެ، އުމުރުން 25 އަހަރުގެ މަރްޔަމް މާއީ ޖަމީލް އެވެ.

ފުލުހުން މިއަދު މީޑިއާތަކަށް މައުލޫމާތު ދެމުން ބުނީ، މާލޭގައި ދިރިއުޅެމުން އަންނަ މާއީގެ ހަބަރެއް ނުވެ ގެއްލިފައިވާ ކަމަށް އާއިލާއިން ރިޕޯޓުކޮށްފައިވަނީ އަންގާރަ ދުވަހުގެ ފަތިހުގެ ވަގުތެއްގައި ކަމަށެވެ.

އޭނާ ހޯދުމުގެ މަސައްކަތް ފުލުހުން ކުރަމުން ދަނިކޮށް، މިއަދުގެ ވަގުތެއްގައި އޭނާ ވަނީ އަމިއްލައަށް ހެންވޭރު ޕޮލިސް ސްޓޭޝަނަށް ގުޅައި، އެ ތަނަށް ހާޒިރުވެފަ އެވެ.

މާއީގެ ހާލު ރަނގަޅު ކަމަށް ފުލުހުން ބުނެފައިވާއިރު، އިތުރަށް ބަލަންޖެހޭ ކަންކަން ފުލުހުން މިހާރު ގެންދަނީ ތަހުގީގު ކުރަމުންނެވެ.

މި ލިޔުމާ ގުޅޭ އިތުރު ލިޔުން
Male' in 25 aharuge anhenaku gelligen hoadhanee މާލެއިން 25 އަހަރުގެ އަންހެނަކު ގެއްލިގެން ހޯދަނީ