"ދިޔަރެސް"ގެ ނޫސްވެރިޔާ އަހްމަދު އަޒާން މިއަދު ފުލުހަށް ހާޒިރުކުރުމާ ގުޅިގެން ގިނަ އަދަދެއްގެ ނޫސްވެރިން ފުލުސް އޮފީސް ކުރިމަތީގައި އިހުތިޖާޖުކޮށްފި އެވެ.

އަޒާން ފުލުހަށް ހާޒިރު ކުރުމުން ނޫސްވެރިން އިހްތިޖާޖު ކުރުން

މުޒާހަރާ ކުރި ނޫސްވެރިން ތިބީ އެކި މެސެޖްތައް ހިމެނޭ ބޯޑުތައް ހިފައިގެންނެވެ، އެގޮތުން ހިޔާލު ފާޅުކުރުމުގެ ހައްގު ނިއުޅައި ނުގަނެވޭނެ ކަމަށާއި އަދި ނޫސްވެރިން ލިޔާއެއްޗެއް ނުހުއްޓުވޭނެ ކަމަށްވެސް ބުނެފައިވެ އެވެ. އަދި މަސްދަރު ހާމަކުރުން ލާޒިމުކޮށް ފާސްކޮށްފައިވާ ހެއްކާ ބެހޭ ގާނޫނުގެ މާއްދާ ބާތިލުކުރަންވަނީ ގޮވާލާފަ އެވެ.

އަޒާން ފުލުހަށް ހާޒިރު ކުރުމުން ނޫސްވެރިން އިހްތިޖާޖު ކުރުން

ފުލުހުންވަނީ އަޑު އުފުލި ނޫސްވެރިން އެ ތަނުން ދުރުކޮށްފަ އެވެ.

އަޒާން ފުލުހަށް ހާޒިރުކުށްފައިވަނީ އައިޖީއެމްއެޗްގެ ޑާޓާ ބޭސްއިން ބޭނުން މީހަކަށް ފަސޭހަކަމާއެކު ބޭނުން މީހެއްގެ މައުލޫމާތު ބެލޭކަން ފާހަގަކުރެވި އެ މައްސަލަ ހެލްތު މިނިސްޓްރީއާއި އައިޖީއެމްއެޗްގެ ސަމާލުކަމަށް ގެނައުމަށްފަހު ރިޕޯޓުކުރި މައްސަލައިގެ ތަހުގީގަށެވެ.