ރ. ދުވާފަރު ކައުންސިލްގެ ބައި އިލެކްޝަން ވެރިކަންކުރާ އެމްޑީޕީން ކާމިޔާބުކޮށްފި އެވެ.

ދުވާފަރު ކައުންސިލްގެ ބައި އިލެކްޝަނެއް މިއަދު ބޭއްވީ އެ ކައުންސިލްގެ މެންބަރު އަހްމަދު ސަމޫހު އިސްތިއުފާ ދެއްވުމުންނެވެ. އޭނާ އަކީ އިދިކޮޅު ޕީޕީއެމްގެ ޓިކެޓްގައި އިންތިހާބުވި ބޭފުޅެކެވެ.

އެ އިންތިޚާބު އެމްޑީޕީގެ ކެންޑިޑޭޓް އަބްދުالله ނާޒިމް (ފިއްޓޭ) ކާމިޔާބު ކޮށްފައިވަނީ 612 ވޯޓު ހޯދައިގެންނެވެ. އޭނާއާ އެންމެ ކައިރި ކޮށްފައިވަނީ ވާދަވެރި ޕީޕީއެމްގެ ކެންޑިޑޭޓް ފާތިމަތު އަލީ އެވެ. އޭނާއަށް 544 ވޯޓު ލިބުނުއިރު އަމިއްލަގޮތުން ވާދަކުރި އަހްމަދު ހުސައިންނަށް ލިބުނީ 298 ވޯޓެވެ.

ދުވާފަރު ކައުންސިލްގެ މެޖޯރިޓީ އަދިވެސް އޮތީ އިދިކޮޅު ޕީޕީއެމްގަ އެވެ. ޕީޕީއެމްގެ ފަސް ކައުންސިލަރަކު އެ ކައުންސިލްގައި އެބަތިއްބެވި އެވެ. ބާކީ ދެ ކައުންސިލަރުންނަކީ އެމްޑީޕީއަށް ނިސްބަތްވެވަޑައިގަންނަވާ ބޭފުޅުންނެވެ.

ކޮރަޕްޝަންގެ ތުހުމަތުގައި ދުވާފަރު ކައުންސިލްގެ ހުރިހާ ކައުންސިލަރުން ވަނީ ސަސްޕެންޑުކޮށްފަ އެވެ. އެ ކައުންސިލަރުންގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން އަންނަނީ ބަލަމުންނެވެ.