ވިހި ވަނަ ރައްޔިތުންގެ މަޖިލީހުގެ އިންޑަކްޝަން ޕްރޮގްރާމް ނިންމާލައިފި އެވެ.

މި މަހުގެ 10 އިން 11 އަށް ކުރިއަށް ގެންދިޔަ ދެ ދުވަހުގެ ޕްރޮގްރާމަކީ ބްރިޓިސް ހައިކޮމިޝަންގެ އެހީތެރިކަމާއެކު ރައްޔިތުންގެ މަޖިލިސް އިދާރާއާއި ވެސްޓްމިންސްޓާ ފައުންޑޭޝަން ފޯ ޑިމޮކްރަސީ (ޑަބްލިއުއެފްޑީ) ގެ ރާއްޖޭ އޮފީހާ ގުޅިގެން ކުރިއަށް ގެންދިޔަ ޕްރޮގްރާމެކެވެ.

މި ސެޝަންތަކުގެ މަގްސަދަކީ ރައްޔިތުންގެ މަޖިލީހުގެ މެމްބަރުންގެ ލެޖިސްލޭޓިވް، އޮބްސައިޓް އަދި ރިޕްރެޒެންޓޭޓިވް މަސްއޫލިއްޔަތު އަދާކުރުމަށް ބޭނުންވާ އިލްމާއި ހުނަރު ތައް ދަސްކޮށްދިނުން ކަމަށް ޑަބްލިއުއެފްޑީ އިން ބުނެ އެވެ. މި ސެޝަންތަށް ނަންގަވާ ދެއްވީ ޑަބްލިއުއެފްޑީގެ ތަޖުރިބާކާރުންނާއި، ނޮދަން އަޔަލޭންޑް އެސެމްބްލީގެ ހައުސް އޮފް ލޯޑްސްގެ ތަޖުރިބާކާރުންގެ އިތުރުން މިނިސްޓްރީ އޮފް ސޯޝަލް އެންޑް ފެމިލީ ޑިވަލޮޕްމެންޓް، އެޗްއާރްސީއެމް އަދި ޓްރާންސްޕޭރެންސީ މޯލްޑިވްސް އިންނެވެ.

20 ވަނަ ރައްޔިތުންގެ މަޖިލިސް މެންބަރުންނަށް ކުރިއަށް ގެންދިޔަ އިންޑަކްސަން ޕޮރޮގްރާމްގެ ތެރެއިން -- ފޮޓޯ: ޑަބްލިއުއެފްޑީ

މި ޕްރޮގްރާމަކީ ބައިނަލްއަޤްވާމީ ބައިވެރިންނާއި، ލޯކަލް އޯގަނައިޒޭޝަންތަކާއި، ސަރުކާރުގެ މުއައްސަސާތައް ގުޅިގެން، ރައްޔިތުން މަޖިލީހުގެ އުސޫލުތައް ހަރުދަނާކުރުމަށްޓަކައި މައުލޫމާތު ހިއްސާކުރުމަށް ކުރިއަށްގެންދާ ޕްރޮގްރާމެކެވެ.