ތުނބުޅި ބެހެއްޓުމަކީ ސިއްހަތަށް ވެސް ފައިދާހުރި ކަމެއް!
އެރިއާނާ ގްރާންޑޭ އޭނާގެ ނަން ބަދަލުކޮށްފި
އީސީގެ މެންބަރުކަމަށް ހަސީބުގެ އައްޔަންކުރަން ފާސްކޮށްފި
ޣިޔާސުއްދީން އިންޓަނޭޝަނަލް ސްކޫލްގެ ދަރިވަރުންތަކެއް ޓްރާންސް މޯލްޑިވިއަން އެއާވޭސް (ޓީއެމްއޭ)އަށް ހާއްސަ ޒިޔާތެއް ކޮށްފި އެވެ.
ޓީއެމްއޭއަކީ ދުނިޔޭގެ އެންމެ ބޮޑު ސީޕްލޭން އޮޕަރޭޓަރެވެ. އަދި ރާއްޖޭގެ އެންމެ ގިނަ ރިސޯޓުތަކަށް ޓޫރިސްޓުން އުފުލަނީ އެ އެއާލައިނުންނެވެ.
އެ ސްކޫލްގެ ދަރިވަރުން ހުޅުލޭގައި ހުންނަ ޓީއެމްއޭގެ ހާއްސަ ފެސިލިޓީއަށް ޒިޔާރަތްކުރީ މިދިޔަ މަހުގެ 28 ވަނަ ދުވަހު އެވެ. މި ޒިޔާރަތުގައި ޣިޔާސުއްދީން އިންޓަނޭޝަނަލް ސްކޫލްގެ 40 ދަރިވަރުން ބައިވެރިވި އެވެ.
ޓީއެމްއޭ އިން ބުނިގޮތުގައި މި ޒިޔާރަތުގެ ސަބަބުން ދަރިވަރުންނަށް އެތަނުގެ މަސައްކަތްތައް ހަމަލޮލުން ދެކި ފުރިހަމަ ތަޖުރިބާކުރުމުގެ ފުރުސަތު ލިބިގެންދިޔަ އެވެ.
އެ ކުންފުނިން ބުނީ ހުޅުލޭގައި ހަދާފައިވާ އެންމެ ޒަމާނީ ނޫވިލު ސީޕްލޭން ޓާމިނަލްގައި ހުންނަ ޓީއެމްއޭގެ ފެސިލިޓީތަކަށް ކުރި ޒިޔާރަތުގައި ދަރިވަރުންނަށް އެ ކުންފުނީގެ މުހިންމު ޑިޕާޓްމަންޓްތަކުގެ ތަޖުރިބާކާރު ފަންނީ ބޭފުޅުން އިސްނަގައިގެން ސިލްސިލާކޮށް މަޢުލޫމާތު ދިނުމުގެ ސެޝަންތަކެއް ކުރިޔަށް ގެންދިޔަ ކަމަށެވެ. މިގޮތުން ޓީއެމްއޭގެ ބިޒްނަސް ޑިވެލޮޕްމަންޓް، ހިއުމަން ރިސޯސަސް، ސޭފްޓީ އެންޑް ސެކިއުރިޓީ، ކޮލިޓީ އެންޑް ކޮމްޕްލަޔަންސް، އެއާކްރާފްޓް މެއިންޓެނެންސް، އަދި ފްލައިޓް އޮޕަރޭޝަންސް ފަދަ ޑިޕާޓްމަންޓުން މައުލޫމާތު ދިނުން ކުރިޔަށް ގެންދިޔަ ކަމަށް ޓީއެމްއޭ އިން ބުނެ އެވެ.
އެ ކުންފުނިން ބުނީ އެ ސެޝަންތަކުގައި ދަރިވަރުންނަށް އެ ކުންފުނީގެ މައިގަނޑު މަސައްކަތްތަކާ ބެހޭ މުހިންމު މަޢުލޫމާތުތަކެއް ހިއްސާކުރި ކަމަށެވެ. އަދި އޭގެ އިތުރުން އޭވިއޭޝަން ދާއިރާގެ މުހިންމުކަން ދަރިވަރުންނަށް ވިސްނައިދީ ސީދާ ޓީއެމްއޭގެ ޕްރޮފެޝަނަލުން ދަރިވަރުންގެ ސުވާލުތަކަށް ޖަވާބު ދިނުން ވެސް ކުރިޔަށް ގެންދިޔަ ކަމަށް ޓީއެމްއޭ އިން ބުންޏެވެ.
އެ ކުންފުނިން ބުނީ މައުލޫމާތު ދިނުމުގެ ސެޝަންގައި އޭވިއޭޝަންގައި ދާއިރާއިން ކުރިޔަށް ދެވޭނެ މަގުތަކާއި ލިބޭނެ ތައުލީމީ ފުރުސަތުތަކާއި އެނޫން ވެސް އެ ދާއިރާގެ މުހިންމުކަން ދަރިވަރުންނަށް ކިޔައިދިނުން އޮތް ކަމަށެވެ.
ޓީއެމްއޭއިން ޒުވާނުންގެ ކުރިއެރުމަށް ކުރާ މަސައްކަތުގެ ދަށުން، ރާއްޖޭގެ އެކި ކަންކޮޅުތަކުގެ ސްކޫލްތަކާއި ގުޅިގެން ގިނަ މަސައްކަތްތަކެއް ކުރެ އެވެ. މިގޮތުން ފަތުރުވެރިކަމާއި ވައިގެ ދަތުރުފަތުރުގެ ދާއިރާއިން ކެރިއަރުގެ ފުރުސަތުތަކާ މެދު ހޭލުންތެރިކަން އިތުރުކުރުމަށް އެ ކުންފުނިން ގިނަ ހަރަކާތްތަކެއް ކުރިޔަށް ގެންދެ އެވެ. މި ހަރަކާތުގެ ތެރެއިން ޓީއެމްއޭގެ އަމާޒަކީ، ދިވެހިންގެ އަންނަން އޮތް ޖީލަށް، މިދާއިރާއިން ކުރިއަށް ދިއުމަށް ހިތްވަރު ދިނުން ކަމަށް އެ ކުންފުނިން ބުނެ އެވެ.
ޓީއެމްއޭއިން ބުނީ އަންނަން އޮތް ޖީލުތަކަށް މި ދާއިރާގެ މައުލޫމާތުތައް ފޯރުކޮށްދީ ދިވެހި ޒުވާނުންނަށް މި ދާއިރާއިން ފުރުސަތުތައް ފަހިކޮށްދިނުމުގައި އެންމެ އިސްސަފުގައި މަސައްކަތްކޮށް، ރާއްޖޭގެ ވައިގެ ދަތުރުފަތުރާއި ފަތުރުވެރިކަމުގެ މައިދާނުގައި މުހިންމު ދައުރެއް އަދާކުރާ ފަރާތެއްގެ ގޮތުގައި އަބަދުވެސް ހަރަކާތްތެރިވާނެ ކަމަށެވެ.
