ޓިއުލިޕްއަކީ ގިނަ ބަޔަކަށް ކަމުދާ މަލެކެވެ. އެ މަލުގެ ބަގީޗާތަކަކީ ލޯތަކަށް ބަލާލަން ޗާލު ރީތިކަމެއް އެކުލެވޭ ބަގީޗާތަކެކެވެ. ސަފުތަކަށް މާތައް ފޮޅިފައި ހުންނައިރު ހިތަށް އުފާވެރިކަން ގެނުވަ އެވެ.
މިފަދަ ބަގީޗާއެއް ދެކިލުމަށް ދިވެހިން މާ ދުރަށް ދާކަށް ނުޖެހެ އެވެ. އޭޝިއާގެ އެންމެ ބޮޑު ޓިއުލިޕް ބަގީޗާ މިވަގުތު އޮތީ އަވަށްޓެރި އިންޑިއާގަ އެވެ.
އިންޑިއާގެ ޖައްމޫ ކަޝްމީރުގެ ވެރިރަށް ޝްރީނަގަރްގައި 2022 ވަނަ އަހަރު ހުޅުވި އެ ބަގީޗާއަކީ ޖާގައިގެ ގޮތުންނާއި މާގަސްތަކުގެ އަދަދަށް ބަލާއިރު ވެސް މިހާތަނަށް އޭޝިއާގައި ތަރައްގީ ކުރެވުނު އެންމެ ބޮޑު ބަގީޗާ އެވެ.
އިންދިރާ ގާންދީ މެމޯރިއަލް ޓިއުލިޕް ގާޑަންގެ ނަމުން ނަން ދީފައިވާ ބަގީޗާގައި 68 ވައްތަރުގެ 15 ލައްކައަށް ވުރެ ގިނަ މާ ފޮޅިފައިވާއިރު މިއީ ހުރިހާ މޫސުމެއްގައި ވެސް ބަލާލަން ކަމުދާނެ މަންޒިލެކެެވެ.
އެކި ކުލަކުލައިގެ ޓިއުލިޕް މާތައް އެއް ސަފަކަށް ބަގީޗާގައި ހައްދާފައިވާއިރު، އެ މާތަކުގެ ތެރޭގައި ފޮޓޯ ނެގުމުގެ ފުރުސަތު ވެސް އެތަނަށް ޒިއާރަތްކުރާ މެހެމާނުންނަށް ލިބެ އެވެ.
މި ބަގީޗާއަށް ކޮންމެ ދުވަހަކު ވެސް އެތައް ސަތޭކަ ބަޔަކު ޒިއާރަތް ކުރާއިރު، މިއީ ކަޝްމީރުގެ ފަތުރުވެރިކަމުގައި ވެސް މުހިއްމު ތަނަކަށް ވަނީ ވެފަ އެވެ.
ބަގީޗާ ހުރީއެއް ނޫންތަ؟ އަހަރުމެންނަށް ކިޔަވައިދިން މުދައްރިސުން ކިޔަވައިދިނީ ގޯސްކޮށްތާ ދޯ!
މި ނޫހުގައި ޖަހާ ކޮމެންޓުތައް ޝާއިއު ކުރަން ނުކެރެނީ ނޫސްވެރިންނަށް ކުށް ގަބޫލު ކުރަން ނުކެރޭތީތަ؟ ތަންތަނަކީ އޮންނަ އެއްޗެއް ނޫން. ރަށެއްގައި ތަނެއް ހުންނާނީ. އޮންނާނީ އެއް ނޫން. މިވަރު އެޑިޓަރަށް ވެސް ނޭނގުނީމަ ގޯސް.
ދިވެހި ބަހުގެ ކުލާސް ހިލޭ ސާބަހަށް ނަގައިދެން. ހުރުން/އިނުން/އޮތުން މި ފިލާވަޅުގަ ބައިވެރިވުން ވަރަށް މުހިއްމު ކަމަށް ފެނޭ
އޮތީތަ ނޫނީ ހުރީތަ؟ މި ލިޔުމުގައި އޮތް ގޮތުންނަމަ ބުނާނީ ބަގީޗާ އޮތީ ބަންދު ކޮށްފައޭ. ނޫސްވެރިންނަށްވެސް މި ތިބެނީ ކޮހުން. ބޯ ހަލާކު!
ބަގީޗާ އޮތީއޭ؟؟ ކޮއްކޯ ދިވެލި ގަވާއިދު ފޮތް ކިޔާލަބަލަ.