މާލޭގެ ގެއަކުން މަރުވެފައި އޮތް މީހަކު ފެނިގެން ފުލުހުން ހަރަކާތްތެރިވާން ފަށައިފި އެވެ.

މަންޒަރު ދުށް މީހުން ކިޔައިދިންގޮތުގައި މައްޗަންގޮޅި ލޯލާ ފިހާރަ ކައިރީ ހުރި ގެއަކުން މަރުވެފައި އޮތް މީހަކު ފެނުނީ 6:00 ހާއިރު އެވެ.

"އެ މީހާ ގެންދިޔައީ މަރުވެފައި ތިބޭ މީހުން ގެންދާގޮތަށް ކަޅުކުލައިގެ ބޮޑީ ބޭގަކަށް ލައި ބަނދެގެން،" މަންޒަރު ދުށް މީހަކު ކިޔައިދިނެވެ.

އެ މީހާ ބޮޑީ ބޭގަށް ލައި ނެރެގެން ގެންދިޔަވަގުތު ފޮޓޯ އާއި ވީޑިއޯ ނަގަން ފެށުމުން ފުލުހުން ވަނީ އެކަން ނުކުރުމަށް އަންގާފަ އެވެ. ނަމަވެސް އެ މަންޒަރު ފޮޓޯ އާއި ވީޑިއޯ ކުރުމަކީ ގާނޫނީގޮތުން މަނާކަމެއް ނޫނެވެ.

"ފުލުހުން ތަކުރާރުކޮށް ބުނަމުންދިޔައީ ވީޑިއޯ ނުކުރާށޭ. އެ މީހާ ބޮޑީ ބޭގަކަށް ލައިގެން ނެރުނު އިރު ވީޑިއޯ ކުރީ އެތަނުގައި ތިބި އާންމުން،" މަންޒަރު ދުށް މީހަކު ކިޔައިދިނެވެ.

މަރުވި މީހާ ގެންދިޔައީ އައިޖީއެމްއެޗަށެވެ. އެމީހާގެ ވަނަވަރެއް އަދި ސާފެއްނުވެ އެވެ.