އާ އަހަރާ ދިމާކޮށް، ރައީސް އިބްރާހިމް މުހައްމަދު ސޯލިހާއި އެމަނިކުފާނުގެ އަނބިކަނބަލުން ފަޒްނާ އަހުމަދު މިއަދު ހެނދުނު ސްރީލަންކާއަށް ފުރާވަޑައިގެންފި އެވެ.

ރައީސް އޮފީހުން މިއަދު ބުނީ ރައީސް ޞާލިހާއި އަނބިކަނބަލުން ފަޒްނާ ޝްރީލަންކާއަށް ވަޑައިގަންނަވަނީ ނުރަސްމީ ދަތުރުފުޅެއްގައި ކަމަށެވެ. އަދި މިއީ ހަތަރު ދުވަހުގެ ދަތުރުފުޅެއް ކަމަށް ވެސް ރައީސް އޮފީހުން ބުނެ އެވެ.

މި ދަތުރުފުޅު ނިންމަވައިލެއްވުމަށްފަހު ރައީސް ސޯލިހާއި އަނބިކަނބަލުން ފަޒްނާ ރާއްޖެ ވަޑައިގަންނަވާނީ މިފެށޭ 2022 ވަނަ އަހަރުގެ ޖަނަވަރީ މަހުގެ 2 ވަނަ ދުވަހު އެވެ.

އާ އަހަރާއި ދިމާކޮށް ރައީސްގެ ދެ ކަނބަލުން ވަނީ މިދިޔަ އަހަރު ވެސް ލަންކާއަށް ނުރަސްމީ ދަތުރުފުޅެއް ކުރައްވާފަ އެވެ. މައުލޫމާތު ލިބިފައިވާ ގޮތުގައި ރައީސުލްޖުމްހޫރިއްޔާގެ އާއިލީ ބައެއް ބޭފުޅުން ވެސް ލަންކާގައި ދިރިއުޅުއްވަ އެވެ.