ބޮލީވުޑްގެ ތަރި ސަނީ ޑިއޯލް ކޮވިޑް-19 އަށް ޕޮޒިޓިވްވިކަން ހާމަކޮށްފި އެވެ.

ޓުވިޓާ މެދުވެރިކޮށް ހިއްސާކުރެއްވި މެސެޖުގައި ސަނީ ބުނެފައި ވަނީ މިހާރު ހުރީ އައިސޮލޭޝަންގައި ކަަމަށާއި ހާލު ރަނގަޅު ކަމަށެވެ.

މީގެ އިތުރުން ސަނީ ވަނީ އޭނާއާ ބައްދަލުވެފައިވާ އެންމެން ވެސް އައިސޮލޭޓްވެ، ޓެސްޓް ހެދުމަށް ބުނެފަ އެވެ.

ދާދިފަހުން ކޮނޑަށް ލިބުނު އަނިޔާއަކާއެކު އޭނާ ގެންދިޔައީ މަނާލީގައި ފަރުވާ ހޯދަމުންނެވެ. އޭނާ އާއި ރައްޓެހިންނާއެކު މުމްބާއީ އަށް ދިއުމަށް ތައްޔާރުވެފައިވަނިކޮށް އަނެއްކާވެސް ހާލު ގޯސްވެ، ދަތުރު މެދުކަނޑާލި އެވެ.