މާލޭގައި މާރާމާރީ ހިންގައި ދެ މީހަކު ޒަޚަމްކޮށްލައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ އެ މާރާމާރީ ހިންގާފައި ވަނީ ހިތަށްފިނިވާމަގުގައި ކަމަށެވެ. އެ މާރާމާރީގައި އަނިޔާވި ދެ މީހުން އޭޑީކޭ ހޮސްޕިޓަލަށް ގެންގޮސްފައިވާ ކަމަށް ވެސް ފުލުހުން ބުންޏެވެ. އެ މާރާމާރީ ހިންގާފައި ވަނީ މިރޭ 9:00 ހާއިރުއެވެ.

އޭޑީކޭ ހޮސްޕިޓަލްގައި ހަރަކާތްރިވި މީހަކު "ހުރިހާ"އަށް ކިޔައިދިން ގޮތުގައި އޭގެތެރެއިން އެކެއްގެ ގައިގައި ވަރަށް ބޮޑަށް ލޭ ހުރި ކަމަށެވެ. އަދި އޭނާގެ ބޮލަށް ޒަހަމްވެފައިވާ ކަމަށް ބެލެވޭ ކަމަށް ވެސް އޭނާ ބުންޏެވެ.

އެނގިފައިވާ ގޮތުގައި އެ މާރާމާރީގައި ދެ ޒުވާނުންނަށް ހަމަލާދީފައި ވަނީ ލަޓިބުރި އާއި ދަގަނޑު ބުރިންނެވެ.

އެ މާރާމާރީއާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާ ކަމަށް ފުލުހުން ބުންޏެވެ.