އައްޑޫ ބަހުން ޚުތުބާ ކިޔައިގެން މީހަކު ސަސްޕެންޑުކޮށްފި އެވެ.

ސ. މީދޫގައި އެ އަތޮޅު ބަހުން ހުތުބާ ކިޔައިގެން ސަސްޕެންޑުކުރީ އެ ރަށު މަސްޖިދުލް މަޖުދުއްދީނުގެ މުދިމު މުހައްމަދު ރަޝީދެވެ.

މިދިޔަ ހުކުރު ދުވަހު އޭނާ ޚުތުބާ ކިޔާފައި ވަނީ އައްޑޫ ބަހުންނެވެ.

މިކަމާ ގުޅޭ ގޮތުން އިސްލާމިކް މިނިސްޓްރީގެ މީޑިއާ އޮފިޝަލް އިސްމާއީލް އަފްރާހް ވިދާޅުވީ ޚުތުބާ ކިޔުމުގެ އުސޫލާ ހިލާފުވި މައްސަލައެއް ބެލުމަށް ޚަތީބަކު ސަސްޕެންޑުކޮށްފައިވާ ކަމަށެވެ.

އޭނާ އައްޑޫ ބަހުން ޚުތުބާ ކިޔުމުން މިސްކިތު ތެރޭގައި ތިބި ބައެއް މީހުން އެކަމަށް ޖޯކުޖަހައި ހޭން ފެށި ކަމަށް އެ ރަށުން ވާހަކަ ދެއްކި މީހުން ބުންޏެވެ.

"ބައެއް މީހުން ވަނީ އެކަމާ ގުޅިގެން މިސްކިތް ދޫކޮށް ގޮސްފައި،" މީދޫން ވާހަކަ ދެއްކި މީހަކު ބުންޏެވެ.