ސަރުކާރު ހިއްސާވާ ކުންފުނިތަކުގައި މަސައްކަތް ކުރާ މުވައްޒަފުން ސަރުކާރު ހިންގާ ޕީއެންސީއަށް ސޮއިކުރަން އަންގަމުންދާ މައްސަލަ ބޮޑުވެ، ގިނަ ބަޔަކު ކަންބޮޑުވުން ފާޅުކުރަން ފަށައިފި އެވެ.

މައުލޫމާތު ލިބިފައިވާ ގޮތުގައި ފެނަކަ އާއި ސްޓެލްކޯގެ ބައެއް ބްރާންޗުތަކުގައި މަސައްކަތްކުރާ މުވައްޒަފުންގެ ވަޒީފާގެ ރައްކާތެރިކަމަށްޓަކައި ޕީއެންސީއަށް ސޮއިކުރުމަށް އެ ކުންފުނިތަކުގެ މެނޭޖަރުން ދަނީ މަޖުބޫރުކުރަމުންނެވެ. ހެޑް އޮފީހުގެ އެންގުމަށް ކުރިއަށްގެންދާ މި ހަރަކާތާ ގުޅިގެން މުވައްޒަފުން ކަންބޮޑުވުން ފާޅުކުރަމުންދާއިރު، ސޮއިނުކޮށްގެން ވަޒީފާއިން ވަކިކުރާ މައްސަލައިގައި ބައެއް ރަށްރަށުގައި ވަނީ މުޒާހަރާ ވެސް ކޮށްފަ އެވެ.

މީގެ އިތުރުން އެޗްޑީސީ އާއި މިފްކޯގެ މުވައްޒަފުންނަށް ވެސް ކުންފުނީގެ މެނޭޖިން ޑިރެކްޓަރުގެ ފަރާތުން ޕާޓީއަށް ސޮއިކުރަން އަންގަމުންދާ ކަން ވަނީ އެނގިފަ އެވެ. އީފާސް މެދުވެރިކޮށް އިލެކްޝަން ކޮމިޝަންގެ ވެބްސައިޓުން ޕީއެންސީއަށް ރަޖިސްޓާ ކުރުމަށްފަހު، އޭގެ ސްކްރީން ޝޮޓް ބިއުރޯއާ ހިއްސާކުރުމަށްވެސް މި ކުންފުނިތަކުން ވަނީ މުވައްޒަފުންނަށް އަންގާފަ އެވެ.

ޕީއެންސީއަށް ސޮއިކުރަން މުވައްޒަފުންނަށް އަންގަން ފަށާފައި މިވަނީ ސަރުކާރު ކުންފުނިތަކުން ގިނަ އަދަދެއްގެ މުވައްޒަފުން ކަނޑަން ނިންމުމަށްފަހު ކަން ފާހަގަކޮށްލެވެ އެވެ. އެއާއެކު، ޕީއެންސީއަށް ސޮއި ނުކޮށްފިނަމަ ވަޒީފާ ގެއްލިދާނެ ކަމުގެ ބިރަށް ބައެއް މީހުން ދަނީ މަޖުބޫރުން އެ ޕާޓީއަށް ސޮއި ކުރަމުންނެވެ.

ވަޒީފާގެ ބިރުދައްކައިގެން ސިޔާސީ ޕާޓީތަކަށް މީހުން ވެއްދުމަކީ ބަލައިގަނެވޭނެ ކަމެއް ނޫން ކަމަށް ބުނެ، ސިޔާސީ ބައެއް ފަރާތްތަކުން ވެސް ދަނީ މިކަމާ ގުޅިގެން ކަންބޮޑުވުން ފާޅުކުރަމުންނެވެ.

މި ލިޔުމާ ގުޅޭ އިތުރު ލިޔުން
Sarukaaruge petition gai soikuran SOE thakuge muvazzafunah majubooru kuranee ޕެޓިޝަނުގައި މުވައްޒަފުން ސޮއިކުރަން މަޖުބޫރުކުރުވަނީ
Vazeefaa ge biru dhakkaa kunfunithah kurimathee ihthijaaju kuraanan: Nasheed "ވަޒީފާގެ ބިރުދައްކާ ކުންފުނިތައް ކުރިމަތީ އިހްތިޖާޖު ކުރާނަން"
Sarukaaru candidatunnah thaaeedhu nukuraa FENAKA muvazzafun suspend kuranee ސަރުކާރަށް ތާއީދު ނުކުރާ ފެނަކަ މުވައްޒަފުން ސަސްޕެންޑް ކުރަނީ