ހުޅުމާލޭގައި ބަޔަކު ބިދޭސީއަކަށް ހަމަލާދިނުމަށްފަހު އޭނާގެ ވޮލެޓާއި ފޯނު ފޭރިގެންފި އެވެ.

ފުލުހުންގެ މީޑިއާ އޮފިޝަލް ވިދާޅުވީ އަނިޔާވި ބިދޭސީ މީހާ އަށް ހުޅުމާލޭ ހޮސްޕިޓަލްގައި ފަރުވާދެމުން އަންނަ ކަމަށެވެ.

ބިދޭސީ މީހާއަށް ވަރަށް ބޮޑަށް އަނިޔާވެފައިވާކަން ސޯޝަލް މީޑިއާގައި އާންމުވެފައިވާ ފޮޓޯ އާއި ވީޑިއޯ އިން އެނގެ އެވެ.

މި މައްސަލައިގެ އިތުރު ތަފްސީލެއް ފުލުހުން ނުދެއެވެ. ފުލުހުން އަންނަނީ މި މައްސަލަ ތަހުގީގު ކުރަމުންނެވެ.

ފޭރުގެ މައްސަލަ އަކީ މާލޭ ސިޓީގައި ވަރަށް ބޮޑުވެފައިވާ ކަމެކެވެ. އާންމުގޮތެއްގައި އެންމެ ގިނައިން ފޭރެނީ މޮބައިލް ފޯނުކަން ފުލުހުންނަށް ހުށަހެޅިފައިވާ މައްސަލަތަކުން އެނގެ އެވެ.