ސޯނަމް ކަޕޫރު އަހޫޖާ އާއި ވަރުން ދަވަންއަކީ ކުޑައިރުއްސުރެ ގާތް ދެ ރަހުމަތްތެރިންނެވެ. މިހާރު ވެސް މި ދެ ތަރިން ވަރަށް ގާތެވެ.

ދާދި ފަހުން މިވަނީ ވަރުން ދަވަން އާއި އޭނާގެ ލޯބިވެރިޔާ ނަތާޝާ ދަލާލް ކައިވެނި ކުރަން އުޅޭކަން އިއުލާނުކޮށްފަ އެވެ.

މި ކައިވެނީގެ ހަފްލާތައް ޖެނުއަރީ މަހުގެ 22 ވަނަ ދުވަހުން ފެށިގެން އަލިބާގްގައި އޮންނައިރު މި ހަފްލާތަކުގައި ސޯނަމް ކަޕޫރު ބައިވެރިއެއް ނުވާނެ އެވެ.

ސޯނަމް މިހާރު ހުރީ އޭނާގެ ފިލްމު "ބްލައިންޑް" ގެ ޝޫޓިންގައި ގްލާޒްގޯގަ އެވެ. ކޮވިޑް-19 އާއި ގުޅިގެން އަޅާފައިވާ ރައްކާތެރިކަމުގެ ފިޔަވަޅުތަކުގެ ތެރޭގައި އިންޑިއާއިން ވަނީ ބޭރު ގައުމުތަކުން އަންނަ މީހުން 14 ދުވަހުގެ މުއްދަތަކަށް ކަރަންޓީނު ކުރަން ނިންމާފަ އެވެ. އެހެން ކަމުން ސޯނަމް އަށް ވަރުންގެ ކައިވެނީގެ ހަލްފާގައި ބައިވެރިއެއް ނުވެވޭނެ އެވެ.

ސޯނަމް އަށް ބައިވެރި ނުވެވުނަސް ސޯނަމްގެ ބައްޕަ އަނިލް ކަޕޫރު، ދައްތަ ރިއާ ކަޕޫރު އަދި ބޭބެ ހަރްޝްވަރްދަން ކަޕޫރު މި ކައިވެނީގެ ހަފްލާގައި ބައިވެރިވާނެ އެވެ.