އޮސްޓްރޭލިއާއަށް ނިސްބަތްވާ އުމުރުން 23 އަހަރުގެ ކޯޑިއާ ލައިން އަށް އަބަދުވެސް ކަނާތާއި ވާތް ވަކި ކުރުމަށް އުނގަދޫވެ އެވެ. މިކަން ބޮޑުވެގެން ގޮސް އެންމެ ފަހުން އޭނާ މިވަނީ ވަރުގަދަ ހައްލެއް ހޯދާފަ އެވެ.

މަގު ކިޔާދިނުމަށް ވެސް ފަސޭހަވާނެ ހެން އޭނާ މިވަނީ ދެ އަތުގައި ވެސް ކަނާތާއި ވާތް ވަކިކުރަން އެނގޭނެ ހެން ޓެޓޫ ޖަހާފަ އެވެ.

މި ޓެޓޫ ޖަހާފައި ވަނީ އޮސްޓްރޭލިއާގެ މަޝްހޫރު ހަންޓާ އެންޑް ފޮކްސް ސްޓޫޑިއޯގައި ޓެޓޫ އާޓިސްޓެއް ކަމަށްވާ ލޯރެން ވިންޒާ އެވެ.

ކޮމިއުނިކޭޝަންގެ ދާއިރާއިން ތައުލީމު ހާސިލުކުރާ ލައިން އޭނާގެ ޓޭޓޫގެ ފޮޓޯތައް ރައްޓެހިންނަށް ފޮނުވުމުން ލިބިފައިވަނީ މަޖާ ޖަބާވުތަކެކެވެ.

"އަހަރެންގެ ރައްޓެހިން ވަރަށް ހުނުނު. އެ މީހުންނަށް ގަބޫލެއް ނުކުރެވުނު އެއީ އަސްލެއް ކަމަށް،" ލެއިން ބުންޏެވެ.

ލެއިންގެ ލޯބިވެރިޔާއާއި ގާތް ރަހުމަތްތެރިން ތިބީ މި ޓެޓޫ އާ މެދު ވަރަށް ހިތްހަމަ ޖެހިފަ އެވެ. އެ މީހުން ބުނީ ދެން ލެއިން ކަނާތާއި ވާތް އަޅުވާނުލާނެކަން އެނގޭތީ އުފާވާ ކަމަށެވެ.

ލައިން/ ފޮޓޯ:އިންސްޓަގްރާމް

ބޮޑުވަމުން އައި އިރު ކަނާތާއި ވާތް ވަކިކުރަން ނޭނގޭތީ ލެއިން އަށް އެކި ކަހަލަ ފުރައްސާރައާ ދިމާވެ އެވެ. އަދި މަގު ކިޔައިދިނުމަށް އުނދަގޫތަކާ ކުރިމަތިވެ އެވެ.

ޓެޓޫ ޖެހުމުގެ ހިޔާލު އޭނާ އަށް އައީ މިދިޔަ އަހަރު އޮތް ސްކެވެންޖާ ހަންޓް ޕާޓީއެއްގެ ތެރެއިންނެވެ. ލެއިން ހަމަޖެއްސީ އެޓީމުގެ ނެވިގޭޓަރަކަށެވެ. އެހެން ނަމަވެސް ކަނާތް ފަރާތާއި ވާތަފަރާތް ކިޔާދޭން ނޭނގުމުން ޑްރައިވަރަށް ކިޔާދޭން އުނދަގޫވެ، ތަކުރާރުކޮށް ނުބައި މަގުން ދެވޭގޮތްވި އެވެ. އެކަން ބޮޑުވެގެން އެ ޓީމުގެ މެންބަރަކު ލެއިންގެ އަތުގައި "އެލް" އަކުރާއި "އާރް" އަކުރު ލިޔެ ކަނާތާއި ވާތް ފާހަގަކުރި އެވެ.

މި ހައްލު ކަމުގޮސްގެން މަޖަލަކަށްވެ އެންމެ ފަހު މަޖާގަނޑު މިވަނީ އަސްލަށްވެފަ އެވެ.

ލެއިންގެ ޓެޓޫގެ ފޮޓޯއެއް އޭނާގެ އިންސްޓަގްރާމްގައި ހިއްސާކުރުމާއި އެކު ކުޑަ ވަގުތުކޮޅެއްގެ ތެރޭގައި 4000 ލައިކް ލިބުނެވެ. އެންމެންވެސް ބުނީ މިއީ ވަރަށް ފައްކާ ހައްލެއް ކަމަށެވެ.