ކެބިން ކުރޫންގެ އެންމެ މުހިންމު ވާޖިބަކީ ދަތުރުވެރިންނަށް ބޯޓުމަތީގައި ސަލާމަތާއި ރައްކާތެރިކަން ކަށަވަރުކޮށްދިނުމެވެ.

އެ މީހުން ތިބެނީ އެކަމަށް ތަމްރީނު ވެގެންނެވެ. ބޯޓުމަތީގައި ކާތަކެއްޗާއި، ފެން އަދި ޖޫސް ދިނުމަކީ ވެސް ދަތުރުވެރިޔާ ޖިސްމާނީ އަދި ނަފްސާނީ ބަލިމަޑުކަމަކުން ސަލާމަތްކޮށް ބޭތިއްބުމަށް ކުރެވޭ ކަމެކެވެ.

ދަތުރުވެރިންނަށް ކެބިން ކްރޫންގެ ފަރާތުން ފާހަގަވާ އާދަޔާ ޚިލާފުކަމެއް އޮވެ އެވެ. އެއީ ބޯޓު ނައްޓާލާ ގަޑީގަ އާއި ޖައްސާ ގަޑީގައި، ކެބިން ކްރޫން އެމީހުންގެ އަތްމަތީ އިށީނދެގެން ތިބޭ ތިބުމެވެ. މިއީ ވެސް އިމެޖެންސީއަކަށް އެމީހުން ތައްޔާރުވެގެން ތިބޭ ތިބުމެކެވެ. އެގޮތަށް އިންނައިރު ބޯޓުގެ ސަލާމަތީ ކަންތަކަށް ވިސްނާލަން 30 ސިކުންތުގެ ވަގުތުކޮޅެއް އެމީހުން ހޭދަކުރެ އެވެ. ކުއްލިއަކަށް ހާލަތެއް ދިމާވި ނަމަވެސް ތައްޔާރަށް ތިބުމަށެވެ.