ކ. ތިލަފުށީގައި ހުންނަ ވޯކްޝޮޕެއްގައި ރޯވެއްޖެ އެވެ.

މި ހާދިސާ ހިނގާފައި ވަނީ މިއަދު ހެނދުނު 8:30 ހާއިރު އެވެ. އެމްއެންޑީއެފް އިން ބުނީ ވޯކްޝޮޕްގައި ރޯވި އަލިފާންގަނޑު މިހާރު ކޮންޓްރޯލް ކޮށްފައިވާ ކަމަށެވެ.

އެ ސަރަހައްދުގައި ތިބި މީހުން ބުނާ ގޮތުގައި އަލިފާން އެންމެ ފުރަތަމަ ރޯވީ ތިލަފުށީގައި މެރިންޑޫ ވޯކްޝޮޕްގަ އެވެ. އެ ތަނުގައި ރޯވި އަލިފާންގަނޑު އިތުރަށް ފެތުރި، ޖެހިގެން ހުރި ދެ ވޯކްޝޮޕްގައި ވެސް ވަނީ އަލިފާން ހިފައިފަ އެވެ.

ތިލަފުށީގައި ހުންނަ ގުދަނެއްގައި މިއަދު ހެނދުނު ރޯވެ ބޮޑެތި ގެއްލުންތަކެއް ލިބިފައި.

އެމްއެންޑީއެފް އިން ބުނީ އެ ހާދިސާގައި ދިވެއްސަކަށް ދުމުގެ އަސަރުކޮށް، ކޮންމެ ވެސް ވަރަކަށް ފިހިގެން އައިޖީއެމްއެޗަށް ގެންގޮސްފައިވާ ކަމަށެވެ.

އެނގިފައިވާ ގޮތުގައި އަލިފާނުގެ ހާދިސާ ހިނގިތަނުގައި ގާތްގަނޑަކަށް 30 ވަރަކަށް މީހުން ދިރިއުޅެ އެވެ.