ފުވައްމުލަކު ބަނދަރުގައި އޮތް ދޯންޏަކުން ބިއްލޫރި ޝީޓްތަކެއް ބާލަން އުޅުމުގެ ތެރޭގައި ބަޔަކަށް ބޮޑެތި ޒަހަމްތަކެއް ލިބިއްޖެ އެވެ.

ފުލުހުން ބުނިގޮތުގައި މިއަދު ހެނދުނު ހިނގި މިހާދިސާގައި ހަތަރު މީހަކަށް އަނިޔާވެފައިވެ އެވެ.

ފުލުހުން ބުނީ ފުވައްމުލަކުގައި އޮތް ދޯންޏަކުން ބިއްލޫރި ޝީޓްތަކެއް ބާލަން އުޅުނު ދެ ބިދޭސީންނާއި ދެ ދިވެހިންނަށް އަނިޔާވެފައިވާ ކަމުގެ ރިޕޯޓް ލިބިފައިވާ ކަމަށެވެ.

ފުވައްމުލަކުގައި ބިއްލޫރި ޝީޓްތަކެއް ތެޅި ބަޔަކު ޒަހަމްވެ ފަރުވާއަށް ގެންދަނީ

މި ހާދިސާގައި އަނިޔާވި ހަތަރު މީހުނަށް ފަރުވާދިނުމަށް ފުވައްމުލަކު ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.

"ހުރިހާ" އަށް މައުލޫމާތު ލިބިފައިވާ ގޮތުގައި މި ހާދިސާގައި 3 މީހަކަށް ވަނީ ބޮޑެތި ޒަހަމްތަކެއް ލިބިފަ އެވެ. މި ހާދިސާ ހިނގާފައިވަނީ އަރިއަޅާލާފައިހުރި ބިއްލޫރި ޝީޓްތަކެއް ދޯނިން އަންލޯޑްކުރަން އުޅުމުގެ ތެރޭގަ އެވެ.