ނޭޝަނަލް ޑްރަގް އެޖެންސީގެ ޗެއާޕާސަންގެ މަގާމުގައި ހުންނެވީ ލުބުނާ މުހައްމަދު ޒާހިރު ހުސައިން ފޮރިން މިނިސްޓްރީގެ ސްޓޭޓް މިނިސްޓަރު ކަމަށް ބަދަލުކޮށްފި އެވެ.

އެނގިފައިވާގޮތުގައި ލުބުނާގެ ބަދަލުގައި އެންޑީއޭގެ ޗެއާޕާސަން ކަމުގެ މަސްއޫލިއްޔަތު މިހާރު ވަގުތީގޮތުން ހަވާލުކޮށްފައި ވަނީ ހޯމް މިނިސްޓްރީގެ ސްޓޭޓް މިނިސްޓަރު އަބްދުލްމަޖީދު އިބްރާހީމާއެވެ.

ކުއްލިގޮތަކަށް ލުބުނާ ފޮރިން މިނިސްޓްރީއަށް ބަދަލުކުރި ސަބަބެއް އަދި ނޭނގެ އެވެ.

އެންޑީއޭގެ ޗެއާމަނަކަށް ލުބްނާ އައްޔަނުކުރީ ޖޫން 24، ގަ އެވެ. އޭނާ ފޮރިން މިނިސްޓްރީއަށް ބަދަލުކޮށްފައި ވަނީ އޭނާއަށް ގިނަ ބައެއްގެ ފާޑުކިޔުންތައް އަމާޒުވެފައިވާ ދަނޑިވަޅެއްގަ އެވެ.