މަޝްހޫރު ލަވަކިއުންތެރިޔާ ޓޭލާ ސުވިފްޓް އޭނާގެ އެންމެ ފަހުގެ ފެނިލުމުގައި މުޅިން ތަފާތުކޮށް ފެނުމުން ސަޕޯޓަރުންގެ މެދުގައި ބޮޑު ސަމާލުކަމެއް އުފެދިއްޖެ އެވެ.

"ޓޭލާ ނޭޝަން"ގެ އިންސްޓަގްރާމް ސްޓޯރީ މެދުވެރިކޮށް އާންމުކުރި ފޮޓޯއެއްގައި، އޭނާގެ ކޮނޑާ ހަމައަށް ކުރުކޮށްފައިވާ އިސްތަށިގަނޑު ފެނުމާއެކު ސަޕޯޓަރުން ދަނީ މި ބަދަލާ މެދު ތަފާތު ހިޔާލު ފާޅު ކުރަމުންނެވެ.

ޓޭލާގެ އާ ހެއާ ސްޓައިލްއާއެކު ސަޕޯޓަރުން ދަނީ މިއީ އޭނާގެ ފިރިމީހާ ޓްރެވިސް ކެލްސީއާ ގުޅުންހުރި ކަމެއްތޯ ނުވަތަ އެމްޓީވީ ވީއެމްއޭ ވީއެމްއޭ އެވޯޑް ހަފުލާއަށްފަހު ގެނެސްފައިވާ ބަދަލެއްތޯ ސުވާލު އުފައްދަމުންނެވެ.

ބައެއް ސަޕޯޓަރުން ބުނެފައިވަނީ މިއީ ސުވިފްޓްގެ މިއުޒިކީ ކެރިއަރުގެ ކުރީކޮޅު އޭނާގެ އިސްތަށިގަނޑު ހުންނަ ގޮތާ ވަރަށް ވައްތަރު، ސޫޓްވާ ހެއާސްޓައިލެއް ކަމަށެވެ.

ނަމަވެސް، ރިޕޯޓްތައް ބުނާ ގޮތުގައި މި ބަދަލަކީ އޭނާގެ މިއުޒިކީ ކާމިޔާބީ ފާހަގަ ކުރުމުގެ ގޮތުން ގެނެސްފައިވާ ބަދަލެކެވެ. އޭނާގެ 12 ވަނަ އެލްބަމް "ދަ ލައިފް އޮފް އަ ޝޯ ގާލް" އާއި ލަވަ "ޕޭޝަންޓް ޒީރޯ" ވަނީ އިނގިރޭސިވިލާތުގެ ޗާޓުތަކުގެ އެއްވަނަ އެކީގައި ހޯދައި ބޮޑު ރެކޯޑެއް ހަދާފަ އެވެ.

ސުވިފްޓް ވަނީ މީގެ ކުރިން އޯގަސްޓް މަހުވެސް އޭނާގެ އާންމުކޮށް ހުންނަ އުނގަނޑާ ހަމައަށް ހުންނަ ދިގު އިސްތަށިގަނޑު ކުޑަކޮށް ކުރުކޮށްފަ އެވެ.

ނަމަވެސް، މިފަހަރުގެ ބުޅި އިސްތަށިގަނޑާއެކު އޭނާގެ ސަޕޯޓަރުން އަންނަނީ މި އާ ބަދަލަށް ވަރަށް ބޮޑަށް ތައުރީފު ކުރަމުންނެވެ.