ޓެކްނިކަލް މައްސަލައަކާ ގުޅިގެން ދިވެހިރާއްޖޭގެ އަޑުގެ އޭއެމް ޓްރާންސްމީޓަރުގެ ޚިދުމަތް މެދުކެނޑިފައިވާ ކަމަށް ޕަބްލިކް ސާވިސް މީޑިއާ (ޕީއެސްއެމް) އިން އިއުލާނުކޮށްފި އެވެ.

ޕީއެސްއެމްއިން ނެރުނު ހާއްސަ ދެންނެވުމެއްގައި ބުނެފައިވަނީ، އޭއެމް ބޭންޑުގެ ހިދުމަތް މެދުކެނޑުނު ނަމަވެސް، އެފްއެމް ބޭންޑު މެދުވެރިކޮށް ރާއްޖޭގެ ބައެއް ސަރަހައްދުތަކަށް ދިވެހިރާއްޖޭގެ އަޑުގެ ހިދުމަތް ލިބެމުންދާނެ ކަމަށެވެ. އަދި ޕީއެސްއެމް އެއާ މެދުވެރިކޮށް ވެސް ދިވެހިރާއްޖޭގެ އަޑުގެ ޚިދުމަތް ލިބެމުންދާނެ އެވެ.

އޭއެމް ބޭންޑުގެ ހިދުމަތް އަލުން ފެށޭނެ ކަމަށް ލަފާކުރެވެނީ މާދަމާގެ ވަގުތެއްގައި ކަމަށް ވެސް ޕީއެސްއެމްއިން ބުނެ އެވެ.