ފެބްރުއަރީ 7 ގެ ބަޣާވާތުގައި އިސްކޮށް އުޅުނު މީހުން ދަންޖެއްސުނުނަމަ، އިންސާފު ލިބިގެންދާނެ ކަމަށް ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ވިދާޅުވެއްޖެ އެވެ.

މިއަދު މަޖިލީހުގައި ބަހުސް ކުރަމުންދިޔަ ފަނޑިޔާރުންގެ ބިލަށް ބަހުސް ކުރައްވަމުން ނާޒިލް ވިދާޅުވީ ބަޣާވާތް ކުރާ މީހުންނަށް އޮންނަ ހުކުމަކީ ދަންޖެއްސުންކަމަށެވެ. ރައީސް ނަޝީދުގެ ވެރިކަން ބަޣާވާތްކޮށްގެން ވައްޓާލި މީހުންނަށް އެހުކުމް ޝަރީއަތުން ކަނޑައަޅައި ހުކުމް އިއްވުނު ނަމަ މިއަދު އިންސާފު ލިބުނީސްކަމަށް ނާޒިމް ވިދާޅުވި އެވެ.

"ބަޣާވާތުގެ ވެރީން ދަން ޖެއްސުން، އެ ކަމެއް ނުކުރެވުނު، އެ ވެރީން ދަން ޖެއްސި ނަމަ އިންސާފު ލިބިގެން ދިޔައީސް" ނާޒިލް ވިދާޅުވި އެވެ.

މީގެ އިތުރުން އޭނާ ވިދާޅުވީ ބައާވާތް ހިނގިތާ 10 އަހަރު ވިޔަސް ލިބުނު ގެއްލުންތަކުން ގައުމަށް އަރައިނުގަނެވޭ ކަމަށެވެ. އަދި އެ ކަންކަމަކީ ދިވެހި ރައްޔިތުން ބަލައިގަންނަ ކަމެއް ނޫން ކަމަށާއި އެ ކަމަށް އިންސާފު ލިބެން ޖެހޭ ކަމަށެވެ.

އަދި އިންސާފު ހޯދައި ދިނުމުގައި ރައީސް ނަޝީދު ކުރެއްވި މަސައްކަތް ކުރެވުނު އެކަކުވެސް ނެތް ކަމަށް ނާޒިލް ވިދާޅުވި އެވެ.