މީގެ ދުވަސްތަކެއް ކުރިން ސޯނަމް ކަޕޫރް އަހޫޖާއާ އޭނާގެ ފިރިމީހާ އާންމުންނާ ހިއްސާކުރި ހަބަރަކީ ދުވަސްތަކެއް ވަންދެން އިންޑިއާގެ ނޫސްތަކުގެ ފަލަ ސުރުހީގައި ހިނގަމުން ދިޔަ ހަބަރުތަކެކެެވެ.

އެއީ ސޯނަމްއާއި އޭނާގެ ފިރިމީހާއާއަށް ދަރިއަކު ލިބެން އުޅޭ ހަބަރުތަކެެވެ. ސޯނަމް ވަނީ އޭނާގެ އިންސްޓަގްރާމުގައި ބަނޑު ބޮޑުކަން ހާމަވާހެން ފޮޓޯތަކެއް ވެސް ހިއްސާކޮށްފަ އެވެ.

އިންޑިއާގެ ނޫހަކަށް ދިން އިންޓަވިއުއެއްގައި ސޯނަމް ވަނީ މާބަނޑު ދުވަސްވަރު އޭނާ ކުރަމުން ގެންދާ ތަޖުރިބާއާ ގުޅޭގޮތުން ވާހަކަ ދައްކާފަ އެވެ.

https://www.instagram.com/p/CbWqpeFq-T6/

އޭނާ ބުނާގޮތުގައި ކޮންމެ މީހަކަށް ވެސް މާބަނޑު ދުވަސްވަރަކީ ވަރަށް ހާއްސަވާނެ އުފާވެރި ދުވަސްތަކެކެވެ. ނަމަވެސް އެ ދުވަސްވަރުގައި އަންހެނުން ކުރިމަތިލާ ދަތިތަކާއި ވޭނުގެ ވާހަކަތަކަކީ އެއްވެސް މީހަކު ގިނައިން ދައްކާ ވާހަކަތަކެއް ނޫން ކަމަށް ސޯނަމް ވަނީ ބުނެފަ އެވެ.

ސޫނަމް އޭނާގެ މާބަނޑު ދުވަސްވަރު ސިފަކުރަނީ ވެސް ވަރަށް ވޭންހުރި ދުވަސްތަކެއްގެ ގޮތުގަ އެވެ.

ސޯނަމްއާ އޭނާގެ ފިރިމީހާ އާނަންދު ކައިވެނީގެ ގޮތުން ގުޅުނީ 2018 ވަނަ އަހަރު މެއި މަހުގެ އަށްވަނަ ދުވަހު އެވެ.