ބޮލީވުޑްގެ މަޝްހޫރު ބަތަލާ އާލިއާ ބަޓް ޕްރޮޑިއޮސްކޮށް، ކުޅުނު ފުރަތަމަ ފިލްމު "ޑާލިންސް"އަށް ތިން ދުވަހު ތެރޭގައި 10 މިލިއަން އަށް ވުރެ ގިނަ މީހުން ބަލައިފި އެވެ.

އާލިއާގެ އެޓާނަލް ސަންޝައިން ޕްރޮޑަކްޝަނާއި ޝާހްރުކް ޚާންގެ ރެޑް ޗިލީޒް އެންޓަޓައިންމަންޓް ގުޅިގެން މި މަހުގެ 5 ގައި ނެޓްފްލިކްސްއަށް ދޫކޮށްލި މި ފިލްމަކީ ބްލެކް ކޮމެޑީއެކެވެ.

އާ ޑައިރެކްޓަރު ޖަސްމީތު ކޭ ރީންގެ "ޑާލިންސް" އަކީ ގެވެށިއަނިޔާގެ ޝިކާރައަކަށްވާ އަންހެނަކު، އެންމެ ފަހުން ކެތްތެރިކަންކޮޅުންލައި، ފިރިމީހާގެ ފަރާތުން ބަދަލު ހިފައި އޭނާ އަށް ކުރާ އަނިޔާތައް ދައްކުވައިދޭ ފިލްމެކެވެ.

މިފިލްމަށް ތިން ދުވަހު ތެރޭގައި 10 މިލިއަން މީހުން ބަލާފައިވާއިރު މިއީ ނެޓްފްލިކްސް ގެނެސްދިން އިނގިރޭސި ފިލްމުތައް ފިޔަވައި އިންޑިއާ ފިލްމަކަށް އެންމެ ގިނަ މީހުން ބެލި ފިލްމެވެ.

އާލިޔާގެ އިތުރުން ޝިފާލީ ޝާހު، ރޯޝަން މެތިއު އަދި ވިޖޭ ވަރުމާ ފެނިގެންދާ "ޑާލިންގްސް" އަށް ގިނަ ބަޔަކު ތައުރީފު ލިބިގެން ގޮސްފަ އެވެ. އަދި އެމެރިކާ އާއި އެފްރިކާ އަދި އޭޝިއާގެ 16 ގައުމެއްގައި ގަދަ ދިހަ ފިލްމުގެ ތެރޭގައި "ޑާލިންގްސް" ހިމެނެ އެވެ.

މި ފިލްމުވެގެން ގޮސްފައި ވަނީ ބޮލީވުޑްގެ ފިލްމުގެ ތެރެއިން އެންމެ ގިނަ ބަޔަކު ބެލި ފިލްމަށެވެ.

"ޑާލިންސް" އަށް ބޮޑު ތަރުހީބެއް ލިބެމުން އަންނާތީ އެފިލްމުގެ ޑައިރެކްޓަރު ޖަސްމީޓް ނެރުނު ބަޔާނެއްގައި ބުނެފައި ވަނީ މިފަދަ ތަރުހީބެއް ފެނުމަކީ އިތުރު ހިތްވަރެއް ފެނިގެންދާނެ ކަމަށެވެ.

މި ފިލްމަށް ލިބެމުން އަންނަ ކާމިޔާބާ ގުޅިގެން އާލިޔާ ނެރުނު ބަޔާނެއްގައި ހިއްސާކޮށްފައި ވަނީ ޑާލިންގްސްއަކީ އަބަދުވެސް އޭނާއަށް ތަފާތު އަދި ހާއްސަ ފިލްމެއް ކަމަށެވެ.

"ސްކްރިޕްޓްއިން ގެނެސްދިން ކިޔާލުމާއެކު އަހަންނަށް އެނގުނީ އަހަރެން ބޭނުންވަނީ. ހަމައެކަނި އެކްޓަރެއްގެ ގޮތުގައި ނޫން، އެކަމަކު ބޮޑު ގޮތެއްގައި، މި ތަފާތު ވާހަކަތައް ބެލުންތެރިންނަށް ގެނައުމުގައި ބައިވެރިވާން ބޭނުންވާކަން،" އާލިޔާ ބުންޏެވެ.

ނެޓްފްލިކްސް ގެނެސްދިން "ޑާލިންގްސް" އަށް ވަނީ 16 ގައުމަކުން އެންމެ ގިނަ މީހުން ބެލި ފިލްމަށް ވެގެން ގޮސްގަ އެވެ.

https://www.instagram.com/p/Cg_8io0JfQR/?hl=en

މީގެ އިތުރުން ޑާލިންގްސް'އާ ގުޅޭ ނެގެޓިވް ވާހަކަތައް ވެސް ފިލްމު ރިލީޒް ކުރުމާ ދިމާކޮށް އާންމުވި އެވެ. އެކަމަކު ފިލްމު ބެލި ގިނަ މީހުން ބުނީ އެއީ އަސްލެއް ނެތް ވާހަކަތަކެއް ކަމަށެވެ. އަދި މިއީ ފިރިންގެ ފަރާތުން ގެވެށި އަނިޔާ ލިބޭ އެތައް އަންހެނުންނެއްގެ ވާހަކަ ކިޔައިދޭ ފިލްމެއް ކަމަށް ވެސް ބައެއް މީހުން ބުނެފައިވެ އެވެ.

"ޑާލިންގްސް" ލަސްވެގެން ދިޔައީ ބެލުންތެރިންނާއި ކްރިޓިކުން ވެސް މި ފިލްމުގެ ސްޓޯރީ ލައިނާއި ތަރިންގެ އެކްޓިން އަށް ތައުރީފު ކޮށްފައިވާ ކަމަށެވެ.