ބޮލީވުޑް އަދި ހޮލީވުޑްގައި ކާމިޔާބުތަކެއް ހޯދާފައިވާ ބަތަލާ ޕްރިޔަންކާ ޗޯޕްރާ އަކީ ފިލްމީ ދާއިރާގައި މަސައްކަތް ކުރުމުގެ އިތުރުން ވިޔަފާރީގައިވެސް ހަރަކާތެރިވަމުން އަންނަ ފަންނާނެކެވެ. އެގޮތުން ޕްރިޔަންކާ ވަނީ ނިއުޔޯކު ސިޓީގައި އިންޑިއަން ފުޑަށް ހާއްސަ ކޮށްގެން "ސޯނާ" ނަމުގައި ރެސްޓޯރެންޓެއް ހުޅުވާފަ އެވެ.

ޕްރިޔަންކާ މިވަނީ އޭނާގެ ސަޕޯޓަރުންނަށް އޭނާގެ ރެސްޓޯރެންޓް "ސޯނާ"ގައި ކެއްކުމަށް މަސައްކަތް ކުރާ ވީޑިއޯއެއް ހިއްސާކޮށްފަ އެވެ. އެވީޑިއޯގައި ފެނިގެންދަނީރެސްޓޯރަންޓުގެ ބަދިގެއަށް ވަދެ އެތަނުގެ ކައްކާއިންނާއި ގުޅިގެން ބައެއް ތަކެތި ކެއްކުމުގެ މަސައްކަތް ކުރަމުން އަންނަތަނެވެ.

އެގޮތުން އޭނާ ވަނީ ބަޓާ ޗިކަން ޕިއްޒާ އާއި، އެވަކާޑޯ ބެހެލް އާއި، ޗަޓް މަސާލާ ތައްޔާރުކޮށްފައެވެ. އެނާއަށް އެންމެ މީރީ ޗަޓް މަސާލާކަމަށް ވެސް ވަނީ ބުނެފަ އެވެ.

https://www.youtube.com/watch?v=vsOUQr-kvWo

ދާދި ފަހުން ޕްރިޔަންކާ ވަނީ އޭނާގެ އަންހެން ދަރިފުޅު މަލްތީ މާރީ ޗޯޕްރާއާ އެކު "ސޯނާ" ރެސްޓޯރެންޓަށް ޒިޔާރަތްކޮށްފަ އެވެ.

ޕްރިޔަންކާ ނިއުޔޯކުގައި "ސޯނާ" ރެސްޓޯރެންޓް ހުޅުވީ 2021 ވަނަ އަހަރުގެ މާޗް މަހު އެވެ.

އެމެރިކާގެ ލަވަކިޔުންތެރިޔާ ނިކް ޖޯނަސް އާއި ބޮލީވުޑްގެ އެކްޓްރެސް ޕްރިޔަންކާ ޗޯޕްރާ ކައިވެނިކުރީ ޑިސެމްބަރު، 1، 2018 ގަ އެވެ.