އާލިއާ ބަޓް އާއި ރަންބީރު ކަޕޫރު ފުރަތަމަ ދަރިފުޅަށް މަރުހަބާ ކިޔާފައިވަނީ ނޮވެމްބަރު މަހުގެ ހަ ވަނަ ދުވަހު އެވެ.

އާލިއާ ވިހެއުމަށްފަހު ހަފްތާއެއް ފަހުން ފުރަތަމަ ފަހަރަށް އޭނާ ވަނީ ސޯޝަލް މީޑިއާއަށް ފޮޓޯއެއް ހިއްސާ ކޮށްފަ އެވެ. އާލިއާގެ އިސްޓްގްރާމް އެކައުންޓް ހިއްސާ ކޮށްފައިވާ ފޮޓޯގައި ފެނިގެންދަނީ "މަމަ" މިހެން ލިޔެފައިވާ ތަށްޓެކެވެ.

މި ފޮޓޯގައި އާލިއާ ފެންނަނީ ވަރަށް ފުސްކޮށެވެ. ބެލެވޭ ގޮތުގައި މިއީ ހެނދުނުގެ ވަގުތެއްގައި ނަގައިފައިވާ ފޮޓޯއެކެވެ. ބޮޑަށް ފޮޓޯ ފޯކަސް ކޮށްފައި ވަނީ މަގަށެވެ. އާލިއާ އަށް ދަރިއަކު ލިބުނުކަން އިއުލާން ކުރި ފަހުން މީ ސޯޝަލް މީޑިއާގައި މިފަދަ ފޮޓޯއެއް ހިއްސާ ކުރި ފުރަތަމަ ފަހަރެވެ.

މިފޮޓޯއާއެކު އާލިއާގެ ސަޕޯޓަރުން ވަނީ ގިނަ ކޮމެންޓްތަކެއް ކޮށްފަ އެވެ. އަދި އާލިއާ މަރުހަބާ ކިޔާފައިވެ އެވެ.

އާލިއާ އާއި ރަންބީރުގެ ދަރިފުޅަށް ކިޔާ ނަމެއް އަދި މިހާތަނަށ އައިރު އިއުލާނުކޮށްފައިނުވެ އެވެ. އަދި އެކުއްޖާގެ ފޮޓޯއެއްވެސް ހިއްސާކޮށްފައިނުވެ އެވެ.

ހަފްތާއެއް ފަހު އާލިއާ އިސްޓަގްރާމްގައި ހިއްސާކޮށްފައިވާ ފޮޓޯ

އާލިއާ އާއި ރަންބީރު ކައިވެނި ކުރީ މިއަހަރުގެ އެޕްރިލް މަހު އެވެ. އާލިއާ ބަންޑުބޮޑުކަން އިއުލާން ކުރީ ކައިވެންޏަށް ދެމަސް ވެސް ނުވަނީހެނެވެ. އަދި އެމީހުންގެ އަލަތު ދަރިފުޅު ވިހާފައި ވަނީ ކައިވެންޏަށް 7 މަސް ވެސް ނުވަނީހެވެ.

އާލިއާ އާއި ރަންބީރު ދާދި ފަހުން އެކުގައި ފެނިގެން ގޮސްފައިވަނީ ބެލުންތެރިންގެ ބޮޑު ތަރުހީބެއް ލިބިފައިވާ "ބްރަޙްމާސްޓްރާ: ޕާޓް ވަން- ޝިވާ" އިންނެވެ.

އާލިއާ ދެން ފެނިގެންދާނީ ކަރަން ޖޯހަރުގެ "ރޮކީ އޯރް ރާނީ ކީ ޕްރޭމް ކަހާނީ" އިނެވެ.

އަދި ކެޓްރީނާ ކައިފް އާއި ޕްރިޔަންކާ ޗޯޕްރާއާ އެކު ފަރުހާން އަޚްތަރުގެ "ޖީ ލެ ޒާރާ" ގައި ވެސް އޭނާ ފެނިގެންދާނެ އެވެ.