ބޮލީވުޑްގެ މަޝްހޫރު ބަތަލާސޯނަމް ކަޕޫރާއި ވިޔަފާރިވެރިޔާ އަނަންދު އަހޫޖާއަށް އަލަތު ދަރިފުޅު ލިބުނީ މިދިޔަ ސެޕްޓެމްބަރު މަހު އެވެ. ވިހެއުމަށް ފަހު ދަރިފުޅާ އެކު ހޭދަކުރާ ދިރިއުޅުމުގެ ބައެއް މަންޒަރުތައް ސޯނަމް އޭނާގެ ފޭނުންނަށް ސޯޝަލް މީޑިއާ މެދުވެރިކޮށް ދަނީ ހިއްސާ ކުރަމުންނެވެ. ސޯނަމް އާއި އާނަންދު ކައިވެނި ކުރީ 2018 ވަނަ އަހަރު އެވެ.

ސޯނަމް އާއި އަނަންދު ކައިވެންޏަށް ފަސް އަހަރު ފުރުމާއި ގުޅިގެން އެ ދެމީހުން ވެސް ވަނީ ތަފާތު ފޮޓޯތަކެއް ސޯޝަލް މީޑިއާގައި ހިއްސާކޮށްފަ އެވެ.

ސޯނަމް އިންސްޓަގްރާމްގައި ހިއްސާ ކޮށްފައިވާ ފޮޓޯ

އެގޮތުން ސޯނަމް އޭނާގެ އިންސްޓަގްރާމްގައި ހިއްސާކޮށްފައިވާ އެއް ފޮޓޯގައި ފެނިގެންދަނީ އަނަންދު އާއި ދަރިފުޅު ވަޔޫއެކު ނަގާފައިވާ ފޮޓޯއެކެވެ. މިފޮޓޯގައި އަނަންދު އާއި ވަޔޫ ތިބެނީ ތަޅުންގަނޑު މަތީގައި ކުޅޭށެވެ.

އަނަންދު އިންސްޓަގްރާމްގައި ހިއްސާ ކޮށްފައިވާ ފޮޓޯ

ސޯނަމްގެ އިތުރުން އަނަންދުވެސް ދަރިފުޅުގެ ފޮޓޯއެއް ވަނީ ހިއްސާކޮށްފަ އެވެ. އެފޮޓޯގައި ފެނިގެންދަނީ ސޯނަމް އާއި ވަޔޫއެކު ނަގާފައިވާ ފޮޓޯއެކެވެ.

މި ދެ ފޮޓޯއަށް ވެސް ގިނަ ބަޔަކު ވަނ ކޮމެންޓުތައް ކޮށްފައިވެ އެވެ.

ދާދިފަހުން ސޯނަމް ވަނީ އިނގިރޭސި ވިލާތުގެ ރަސްކަމުގެ ތަޚުތަށް ރަސްގެފާނު ޗާލްސް ވެޑުވުމަށް ބޭއްވި ޚާއްސަ ރަސްމިއްޔާތާ ގުޅިގެން އޮތް ކޮންސެޓުގައި ބައިވެރިވެފަ އެވެ.

ސާވަރިޔާ އިން ބޮލީވުޑަށް ތައާރަފުވި ސޯނަމް އެންމެ ފަހުން ފެނުނީ 2019 ވަނަ އަހަރު ނެރުނު ފިލްމު ޒޯޔާ ފެކްޓާ އިންނެވެ.

އޭނާގެ ކުރިއަށް އޮތް މަސައްކަތަކީ 2011 ވަނަ އަހަރު ރިލީޒް ކުރި ކޮރެއަން ފިލްމު "ބްލައިންޑް"ގެ ހިންދީ ރީމޭކުގެ މަސައްކަތެވެ.