ޑޮލަރުގެ ''ބޮޑު ހަނގުރާމަ''
ޗައިނާ ފަތުރުވެރިއަކަށް މިޔަރެއް ހަމަލާދީފި
ޔާމީންގެ ތުހުމަތު: މުއިއްޒު އޭސީސީއަށް ނުފޫޒު ފޯރުވާ
ގިނަ ބައެއްގެ ތަރުހީބު ލިބުނު ނެޓްފްލިކްސް ސީރީޒް "ސްކްއިޑް ގޭމްސް"ގެ މައްޗަށް ބިނާކޮށް ރިއަލިޓީ ޝޯއެއް އުފައްދަން އެ ކުންފުނިން ނިންމައިފި އެވެ.
ހަބަރުތައް ބުނާ ގޮތުގައި ސްކްއިޑް ގޭމްސް ސީރީޒްއާ ޚިލާފަށް ރިއަލިޓީ ޝޯގެ ބައިވެރިން ކޮންމެ ކަމެއްގައި މަރާ ހަނގުރާމަ ކުރަން ނުޖެހުނު ނަމަވެސް އުނދަގޫ ކަންތައްތަކެއް ކުރިމަތިވާނެ އެވެ.
ޖުމްލަ 456 ބައިވެރިންނާއެކު ފަށާ އެ "ސްކްއިޑް ގޭމް: ދަ ޗެލެންޖް" ކާމިޔާބުކުރާ ފަރާތަކަށް 4.5 މިލިއަން ޑޮލަރުގެ އިނާމެއް ލިބޭނެ ކަމަށް ހަބަރުތައް ބުނެ އެވެ.
މި ޝޯގެ ޝޫޓިންގެ ބައެއް ބައިތައް ހަވާއީގައި ވެސް ކުރިއަށް ދާނެ ކަމަށް ހަބަރުތައް ބުނެފައިވާއިރު ޝޫޓިން ވަރަށް އަވަހަށް ފެށޭނެ ކަމަށް ބެލެވެ އެވެ.
"ސްކްއިޑް ގޭމް: ދަ ޗެލެންޖް" ރިއަލިޓީ ޝޯ ބެލުންތެރިންނާ ހަމައަށް އަންނާނެ ކަމަށް ބެލެވެނީ އަންނަ ނޮވެމްބަރު މަހުގެ 22 ވަނަ ދުވަހު އެވެ.
"ސްކްއިޑް ގޭމް" ސީރީޒްއަކީ މާލީ ގޮތުން ދަތިތަކެއް ކުރިމަތިވެފައިވާ ބަޔަކު 35 މިލިއަނެއްހާ ޑޮލަރުގެ އިނާމަކަށް ތަފާތު ކުޅިވަރުތަކުގައި ބައިވެރިވާ ޝޯ އެކެވެ. އެ ކުޅިވަރުތަކުން ބަލިވާ މީހުންނަށް މަރާ ކުރިމަތިލާން ޖެހެ އެވެ.
