މޫނު ބަލާ ލޯގަނޑަކީ އަހަރުމެން އެންމެ ފަރިތައެކައްޗެވެ.

ހެނދުނު ތެދުވެ އެންމެ ފުރަތަމަ ބަލާލެވޭ އެއްޗަކީ ލޯގަނޑެވެ. ލޯގަނޑުން އެ ފެންނަނީ އަހަރެން ހަމަ އަސްލު ހުންނަ ގޮތަށް ހެއްޔެވެ؟ ނޫނެކެވެ.

ލޯގަނޑުން އެ ދައްކަދޭ ދެނީ ކޮޅު ބަދަލުވެފައިވާ ސޫރައެކެވެ. އެއީ ތިމާގެ ރިވެލި އެވެ. ނުވަތަ "ރިފްލެކްޝަން" އެވެ. ޔަގީންކޮށްލުމަށް އަކުރެއް ނޫނީ ނަންބަރެއް ޖެހި ހެދުމެއް ލައިގެން ލޯގަނޑު ކުރިމަތީ ހުއްޓިލާށެވެ.

ކޮޅު ބަދަލުވެފައިވާކަން ފާހަގަވާނެވެ. ކެމެރާއިން ނަގާ ފޮޓޯ ތަފާތު ހެންހީވަނީ ލޯގަނޑުން ފެންނަ ރިވެލިއަކީ އަސްލު ކަމަށް ހީވެފައި އޮންނާތީ އެވެ. ހަގީގަތަކީ ކެމެރާއިން ނަގާ ފޮޓޯއަކީ މީހުންނަށް އަހަރެން އަސްލު ފެންނަ ގޮތެވެ.