އިރުމަތީ ޕިލިޕީންސްގެ ޕްރޮވިންސްއެއް ކަމަށްވާ ކެޓަންޑޫއަންސްއަށް އާދިއްތަ ދުވަހު ބާރުގަދަ ތޫފާން "މަން-ޔީ" އަރާ އެތައް ހާސް ބަޔަކު މަގުމަތިވެއްޖެ އެވެ. މިއީ މަހެއްގެ ތެރޭގައި މި ގައުމަށް އެރި ހަވަނަ ތޫފާނެވެ.

ކެޓަގަރީ 5 ގެ ތޫފާނެއް ކަމަށް ކަނޑައަޅާފައިވާ މި ތޫފާނުގައި ގަޑިއަކު 185 މޭލު ހުރި ކަމަށް ފިލިޕީންސްގެ ގައުމީ މޫސުމީ އޭޖެންސީ ޕަގާސާއިން ވަނީ ރިޕޯޓްކޮށްފަ އެވެ.

މި ތޫފާނާ ގުޅިގެން ބައި މިލިއަން މީހުން ވަނީ ރައްކާތެރި ހިސާބުތަކަށް ބަދަލުކޮށްފަ އެވެ. މިހާތަނަށް ތިން މީހަކު ގެއްލިފައިވާއިރު، އެތައް އަަވަށަކުން ވަނީ ކަރަންޓްގެ ޚިދުމަތް ކެނޑި ވައިގަދަވުމުގެ ސަބަބުން ބޮޑެތި ގަސްތައް ވެއްޓިފަ އެވެ.

"ވާރޭ ވެހުން މަދު ނަމަވެސް ވައި ވަރަށް ގަދަ. ވައިގެ އަޑު މެދުނުކެނޑި އެބަހުރި. އަރާ ރާޅުތަކުގައި 7 ފޫޓު އުސްމިން އެބަހުރި. ވަރަށް ބިރުވެރިކޮށް ކަންކަން ހުރީ،" ކެޓަންޑޫއަންސްގެ ޑިސާސްޓާ މިޓިގޭޝަން އޮފިސަރު ރޮބާޓޯ މޮންޓެލޯލާ ބުންޏެވެ.

ފިލިޕީންސްގެ މި ސަރަހައްދުތަކަށް ކުރިން އަރާފައިވާ ތޫފާންތަކުން ރަނގަޅަށް އަރައި ނުގަނެވެނީސް މި ތޫފާން އެރުމުގެ ސަބަބުން ލިބޭ އިގްތިސާދީ ގެއްލުން ބޮޑުވޭނެ ކަމަށް ބެލެވެ އެވެ. ހާއްސަކޮށް އެ ގައުމުގެ ދަނޑުވެރިކަމަށް ބޮޑު އަސަރެއް ކުރާނެ ކަމަށް ބެެެލެވެ އެވެ.

ފިލިޕީންސްއަށް އަހަރަކު 20 ތޫފާން އެވްރެޖްކޮށް އަރަ އެވެ. މިއީ ފިލިޕިންސްއަށް މި އަހަރު އެރި 16 ވަނަ ތޫފާނެވެ.