މިއަދު ސަރުކާރުގެ ފަރާތުން ގާނޫނޫ އަސާސީއަށް ގެންނަން ބޭނޫންވާ އިސްލާހު، މުޅި މަޖިލީހުގެ ކޮމެޓީއިން އިތުރު އިސްލާހުތަކާއި އެކު ދެންމެ ފާސްކޮށްފި އެވެ.

ދިވެހިރާއްޖޭގެ ގާނޫނު އަސާސީއަށް އެއްވެސް ބަދަލެއް ގެނެވޭނީ މަޖިލީހުގެ ޖުމްލަ މެންބަރުންގެ ހަތަރު ބައި ކުޅަ ތިން ބައިގެ އަޣުލަބިއްޔަތުގެ ވޯޓަކުންނެވެ. އެއީ މިހާރުގެ މަޖީލީހުގެ 70 މެންބަރުންގެ ވޯޓުންނެވެ. މި އަދަދަށް ސަރުކާރު މެންބަރުންގެ ވޯޓުން އެކަނި ހަމަވާނެކަމަށް ބެލެވެ އެވެ.

ސަރުކާރުން މިއަދު ހުށަހަޅާފައިވަނީ މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކުރުމުން ނުވަތަ އެހެން ޕާޓީއަކަށް ގުޅުމުން ވަގުތުން ގޮނޑި ގެއްލޭ ގޮތް ހެދުމަށާއި ރާއްޖޭގެ ސަރަހައްދުން ބައެއް ދޫކޮށްލެވޭނީ ރައްޔިތުންގެ މަޖިލީހުން ފާސްކޮށްގެން ކަމަށް ހެދުމުގެ އިތުރުން ރާއްޖޭގައި ބޭރު ގައުމެއްގެ އެއްވެސް އަސްކަރީ ބަޔަކަށް ތިބެވޭނީ މަޖިލީހުން ފާސްކޮށްގެން ކަމަށް ބަދަލުކުރުމަށެވެ.

މިއަދުން މިއަދަށް މި ބިލު ފާސްކުރުމަށް ސަރުކާރުން ބޭނުންވާތީ މަޖިލީހުގައި މިއަދު ހަވީރު 5:30 ގައި ޖަލްސާއެއް ބޭއްވުމަށް ވަނީ ހަމަޖެހިފަ އެވެ.

މިކަމާއި ދެކޮޅަށް އިދިކޮޅު އެމްޑީޕީން ދަނީ މަޖިލިސް ކުރާ ގެ ހުންނަ ސަރަހައްދަށް އެއްވެ މުޒާހަރާކުރަމުންނެވެ.