ހޮލީވުޑްގެ މަޝްހޫރު ދެތަރިން ކަމަށްވާ ޖަސްޓިން ބެލްޑޯނީއާއި ބްލޭކް ލައިވްލީގެ ކޯޅުމުގެ ތެރެއަށް ލަވަކިޔުންތެރިޔާ ޓޭލާ ސްވިފްޓް ވެސް ވައްދައިފި އެވެ.

އެންމެ ފަހުން ޖަސްޓިން ކޯޓަށް ހުށައެޅި މައްސަލާގައި އޭޭނާ ބުނެފައިވަނީ އޭނާއާއި ބްލޭކްގެ ފިލްމު "އިޓް އެންޑްސް ވިތު އަސް"ގެ ކަންކަމުގައި ނުފޫޒު ފޯރުވަން ޓޭލާ ބޭނުން ކޮށްފައިވާ ކަމަށެވެ. އެގޮތުން އެ ފިލްމުގެ ބައެއް މަންޒަރުތަކަށް ޓޭލާ މެދުވެރިކޮށް ބްލޭކް ގިނަ ބަދަލުތަކެއް ގެނެސްފައިވާ ކަމަށް ޖަސްޓިން ތުހުމަތު ކޮށްފައިވެ އެވެ.

ޓޭލާގެ އިތުރުން އެކަމުގައި ބްލޭކްގެ ފިރިމީހާ ރަޔާން ރެނޯލްޑްސް ވެސް އެކަމުގައި ބައިވެރިވެފައި ކަމަށް ޖަސްޓިން އޭނާގެ މައްސަލާގައި ބުނެފައިވެ އެވެ.

ޖަސްޓިން ހުށައަޅާފައިވާ 179 ސަފްހާގެ އެ ދައުވާގައި ބްލޭކްއާއި ރަޔާންގެ އިތުރުން އެމީހުންގެ ޕަބްލިސިސްޓްއަށް ވެސް ގިނަ ތުހުމަތުތަކެއް ކޮށްފައިވެ އެވެ.

ޖަސްޓިން އެ ދައުވާ އުފުލާފައި މިވަނީ ޑިސެމްބަރު މަހު އޭނާއަށް ޖިންސީ ފުރައްސާރައިގެ ތުހުމަތުކޮށް ބްލޭކް ކުރި ދައުވާއަކާ ގުޅިގެންނެވެ.