މިދިޔަ 2024 ގައިވެސް ޗައިނާގެ އާބާދީ ދަށަށްވެ، ވިދިވިދިގެން ތިން އަހަރު ޗައިނާގެ އާބާދީ ދަށަށް ހިނގައްޖެ އެވެ.

ޗައިނާގެ ތަޖުރިބާކާރުން ލަފާކުރާ ގޮތުގައި ކުރިއަށް އޮތް އަހަރުތަކުގައި ވެސް ޗައިނާގެ އާބާދީ ދާނީ ދަށަށެވެ. މިދިޔަ އަހަރު ޗައިނާގެ އާބާދީ ވަނީ 1.39 މިލިއަން މީހުން މަދުވެފަ އެވެ.

ފުޅާ އިގްތިސާދެއް އޮންނަ ޗައިނާ ފަދަ ގައުމެއްގައި އާބާދީ މަދުވުމުގެ ސަބަބުން ކުރިމަތިވާނެ އެތައް ހުރަސްތަކެއް އެބަހުއްޓެވެ. އޭގެ ތެރޭގައި މަސައްކަތްތެރިން މަދުވުމުން އިގްތިސާދު މަޑުޖެހުމުގެ ބިރާއެކު މުސްކުޅި އާބާދީގެ ފަރުވާ އަދި ރިޓާޔާމެންޓް ހަރަދުތައް އަހަރުން އަހަރަށް ބޮޑުވުމަކީ އާބާދީ ކުޑަވުމާއެކު ކުރިމަތިވާނެ ކަންކަންމެވެ.

އާބާދީ ކޮންޓްރޯލްކުރުމަށް ޗައިނާއިން 1980 އިން 2015 އަށް ގެންގުޅުނީ ވަން ޗައިލްޑް ޕޮލިސީ އެވެ. އެ މުއްދަތުގައި ކޮންމެ ދެމަފިރިއަކަށް ހޯދެނީ އެންމެ ކުއްޖެކެވެ. މި ޕޮލިސީގެ ސަބަބުން ޗައިނާގެ އުފަންވާ އާބާދީ ދިޔައީ ދަށަށެވެ.

2015 ގައި މި ޕޮލިސީ އުވާލި ނަމަވެސް ހަރަދުތައް ބޮޑުވުމާއި ވަޒީފާގެ ކަންކަން ހުރިގޮތުން ގިނައިން ދަރިން ހޯދުމުގެ ވިސްނުން ގިނަ ޗައިނާގެ މީހުން ވަނީ ދޫކޮށްލާފަ އެވެ.

ޗައިނާގައި އުފަންވާ ރޭޓު އިތުރުކުރުމަށް 2024 ވަނަ އަހަރު ސަރުކާރުން ފިޔަވަޅުތަކެއް އަޅަން ވަނީ ނިންމާފަ އެވެ.