ހދ. ނޮޅިވަރަމުގައި މޫދަށް އެރި އުޅުނު މީހަކު މިއަދު މަރުވެއްޖެއެވެ.

ނޮޅިވަރަމުން ވާހަކަދެއްކި މީހަކު ބުނީ މަރުވެފައި ވަނީ އުމުރުން 66 އަހަރުގެ ފިރިހެނެއް ކަމަށެވެ.

އެ މީހާ އަކީ އާންމުގޮތެއްގައި ކޮންމެ ދުވަހަކުވެސް މެންދުރު ނަމާދުގެ ކުރިން މޫދަށް އެރިއުޅޭ މީހެކެވެ. އަދި އޭނާ އަކީ ބައެއް ފަހަރު ފިޓް ޖެހޭ މީހެއް ކަމަށް އޭނާ ކިޔައިދިނެވެ.

އޭނާ ހޯދަން ފެށީ މޫދަށް ދިޔަފަހުން ޚަބަރެއް ނުވެ، އަސުރު ނަމާދު ވީއިރު ވެސް ގެއަށް ނައުމުންނެވެ.

"އޭނާ ފެނުނީ މިއަދުގެ 18:00 ހާއިރު،" އޭނާ ކިޔައިދިނެވެ.