ބޭންކް އޮފް މޯލްޑިވްސް (ބީއެމްއެލް) އިން ދުކޮށްފައިވާ ކްރެޑިޓް ކާޑުތަކުން ރާއްޖޭން ބޭރުގެ މުދަލާއި ޚިދުމަތަށް ފައިސާ ދެއްކޭ ލިމިޓް އަންނަ މަހުގެ އެކަކުން ފެށިގެން ދެގުނަ ބޮޑުކޮށްފި އެވެ.

ރާއްޖޭގައި ހިންގާ އެންމެ ބޮޑު ބޭންކުން މިއަދު ބުނީ އެ ބޭންކުން ދޫކުރާ ކްރެޑިޓް ކާޑުތަކުގެ ތެރެއިން ތިން ކެޓަގަރީގެ ކާޑަކުން ލިމިޓް ބޮޑުކޮށްފައިވާ ކަމަށެވެ.

ކާޑުގެ ލިމިޓް އިތުރުކުރި ގޮތް:

  • ކްލެސިކް ކްރެޑިޓް ކާޑުތަކުގެ ލިމިޓް 750 ޑޮލަރުން 1،400 ޑޮލަރަށް
  • ގޮލްޑް ކްރެޑިޓް ކާޑުގެ ލިމިޓް 750 ޑޮލަރުން 1،500 ޑޮލަރަށް
  • ޕްލެޓިނަމް ކާޑުގެ ލިމިޓް 1،500 ޑޮލަރުން 3،000 ޑޮލަރަށް

ބީއެމްއެލް އިން ބުނީ މިއީ ކޮންމެ ކަސްޓަމަރަކަށް ދޫކޮށްފައިވާ ޑެބިޓް ކާޑުގެ ލިމިޓްގެ އިތުރުން އެ ކަސްޓަމަރެއްގެ ކްރެޑިޓް ކާޑަށް ހަމަޖައްސާފައިވާ ލިމިޓެއް ކަމަށެވެ.

https://www.facebook.com/photo?fbid=1296630725825536&set=pcb.1296630792492196

އެ ބޭންކުން ވަނީ މިދިޔަ ނޮވެމްބަރު މަހު ޑެބިޓް ކާޑުން ރާއްޖޭން ބޭރުގައި ފައިސާދެއްކުމަށް ކަނޑައަޅާފައިވާ ލިމިޓް އިތުރުކޮށްފަ އެވެ. އެގޮތުން ކާޑު މެޝިނުން ކުރާ މުއާމަލާތްތަކަށް މަހަކު 1,000 ޑޮލަރަށް މި ލިމިޓް އިތުރުކޮށްފަ އެވެ. އަދި ބޭސްފަރުވާގެ ބޭނުމަށާއި ދަތުރުފަތުރުގެ ބޭނުމަށް ބޭރުގައި ހަރަދުކުރެވޭ މިންވަރު ވެސް ވަނީ މަހަކު 3,000 ޑޮލަރަށް އިތުރުކޮށްފަ އެވެ.

ބީއެމްއެލް އިން ކްރެޑިޓް ކާޑުގެ ލިމިޓް އިތުރުކުރިއިރު ޑޮލަރު ލިބުން ދަތިވެ، މިދުވަސްވަރު ކަޅު ބާޒާރުގައި ޑޮލަރު ވިއްކާ އަގު ވަނީ 20ރ. އަށް ވުރެ ބޮޑުވެފަ އެވެ.