ބޮލީވުޑްގެ މަޝްހޫރު އެކްޓްރެސް މޯނީ ރޯއީގެ އުފަން ދުވަސް ފާހަގަކުރުމުގެ ހަަރަކާތްތައް ދިވެހި ރާއްޖޭގައި ކުރިއަށް އެބަދެ އެވެ.

ދާދި ފަހުން ލަންޑަން ކޮންފިޑެންޝިއަލް ފިލްމުގެ މަސައްކަތް ނިންމާލުމަށް ފަހު މޯނީ އާއި އޭނާގެ ރައްޓެހިން ރާއްޖެއަށް އައިސްފައިވަނީ މީގެ ދެތިން ދުވަސް ކުރިންނެވެ.

މި ދަތުރުގެ އެކި ފޮޓޯތަކުން އޭނާގެ އިންސްޓަގްރާމް ވަނީ ފުރާލާފަ އެވެ.

https://www.instagram.com/p/CFhVPI-Ju4B/?igshid=10fbpuu5cqec0

އުފަންދުވަހު އޭނާގެ ފޭނުންނާއި ހިއްސާކުރި މެސެޖެއްގައި ވަނީ އުފަންދުވަހުގެ ތަހުނިޔާ ފޮނުވި އެންމެނަށް ޝުކުރު އަދާކޮށްފަ އެވެ.

މޯނީ ރޯއީ އާއި އެކު މި ދަތުރުގައި ދެން ބައިވެރިވަނީ މަންދިރާ ބޭޑީ އެވެ. މި ދެތަރިން ޗުއްޓީ ހޭދަކުރަމުން ދަނީ ސޮނެވާގަ އެވެ.

މޯނީ އެންމެ ފުރަތަމަ މަޝްހޫރުވެގެން ދިޔައީ ހިންދީ ޓީވީ ސީރީޒް ތަކުންނެވެ. އެއަށްފަހު ބޮލީވުޑަށް ނުކުމެ 'މޭޑް އިން ޗައިނާ' ފަދަ ކާމިޔާބު ފިލްމުތައް ބެލުންތެރިންނަށް ގެނެސްދީފައިވެ އެވެ.