އާމިރު ޚާންގެ ހަމައެކަނި އަންހެން ދަރިފުޅު، އީރާ ހާން، 23 ޑިޕްރެޝަންގެ ޝިކާރައަށްވެފައިވާ ކަމަށް ބުނެފި އެވެ.

އޭނާ މިކަން ހާމަކޮށްފައިވަނީ ދުނިޔޭގެ ނަފްސާނީ ސިއްހަތު ދުވަސް ފާހަގަކުރުމުގައި ބައިވެރިވެ ސޯޝަލް މީޑިޔާއަށް ދޫކުރި ވީޑިއޯ ޕޯސްޓެއްގަ އެވެ.

ވީޑީޔޯ ފަށަމުން އީރާ ބުނެފައިވަނީ އޭނާ ފަރުވާ ކުރަމުންދަނީ ކްލިނިކަލް ޑިޕްރެޝަނަށް ކަމަށެވެ. އަދި މިހާރު އެކަން ތަހައްމަލު ކުރަމުންދާތާ ހަތަރު އަހަރުވެފައިވާ އިރު، ތަޖުރިބާކާރުންގެ އެހީގައި ނަފްސާނީ ގޮތުން ކުރިއެރުންތަކެއް ހޯދެމުން އަންނަ ކަމަށް ގަބޫލުކުރާ ކަމަށް އީރާ ބުންޏެވެ.

https://www.instagram.com/p/CGK5pCuAqdG/?utm_source=ig_embed

ކުރު ގޮތަކަށް މިދަތުރުގެ ތަފުސީލުތައް ކިޔައިދެމުން އީރާ ބުނެފައިވަނީ މިއީ ދަތި އުނދަގޫ ދުވަސްތަކެއް ނަމަވެސް އޭނާގެ ހަޔާތުން ގިނަ ވާހަކަތަކެއް ކިޔައިދީ ޑިޕްރެޝަނާ ބެހޭގޮތުން މީހުންގެ ވިސްނުން ބަދަލު ކުރަން ބޭނުންވާ ކަމަށެވެ. އެގޮތުން ނަފްސާނީ ދުޅަހެޔޮ ކަމަށް ހޯދޭނެ ކުއްލި ފަރުވާއެއް ނެތް ކަމަށް ބުނެ ވީޑިއޯ ނިންމާލަމުން އީރާ ވަނީ މާނަ ފުން ދެތިން ސުވާލެއް އާންމުންނަށް ދޫކޮށް، ޑިޕްރެޝަންގެ ޝިކާރައަކަށްވެފައިވާ ފަރާތްތަކުން މިކަމުން ސަލާމަތްވާން މަސައްކަތް ފެށުމަށް ހިތްވަރު ދީފަ އެވެ.

މިޔުޒިކްގެ ދާއިރާއިން މަތީ ތައުލީމް ހާސިލްކޮށްފައިވާ އީރާ ހާން ވަނީ އޭނާގެ އެންމެ ފުރަތަމަ ފިލްމީ ޑައިރެކްޝަންގެ މަސައްކަތް މިދިޔަ އަހަރުގެ ތެރޭގައި ކޮށްފަ އެވެ.