ކާމިޔާބު ފިލްމް އުފައްދާ ކުންފުނި؛ ޑާކް ރެއިން އެންޓަޓެއިންމަންޓްއަށް 14 އަހަރު ފުރުމާއެކު "ޑާކް ރެއިން ޝޯޓްސް"ގެ ނަމުގައި އާންމުންނަށް ހިލޭ ބަލާލެވޭނެ ފިލްމީ މަސައްކަތްތަކެއް، ހަދިޔާއެއްގެ ގޮތުގައި ގެނެސްދޭނެކަން ވަނީ އިއުލާންކޮށްފަ އެވެ. މި ވައުދު ފުއްދަމުން، އެންމެ ފުރަތަމަ ކުރު ފިލްމް "ދައުވަތު" ލޯންޗުކޮށްފައިވަނީ 30 ސެޕްޓެމްބަރުގަ އެވެ.

މިހާރު މިއޮތީ ޑާކް ރެއިން ޝޯޓްސްގެ ދެވަނަ ހަދިޔާ "އަނގުރު" ވެސް ނެރެފަ އެވެ. އަލީ ޝީފާއު ލިޔެ، ޑައިރެކްޓްކޮށްފައިވާ މި ފިލްމުން ތަރިންގެ ގޮތުގައި ފެނިފައިވަނީ ހަސަން މަނިކު (ރޯނު)، އައިމިނަތު ސިލްނާ، އަހުމަދު ފާއިޒު، އިބްރާހިމް ޝިޔާޒު، ފާތިމަތު ޒުހައިރު އަދި މުހައްމަދު މާހިލް އެވެ. 10 މިނިޓުގެ މިކުރު ފިލްމް ޕްރޮޑިއުސްކޮށްފައިވަނީ އައިޝަތު ފުއާދު އާއި މުހައްމަދު އަލީ (މޮގާ) އެވެ.

ޖުމްލަ ގޮތެއްގައި ފިލްމު ފާހަގަ ކުރެވެނީ ނޭވާ ހިފަހައްޓާލަންޖެހޭ ކަންތައްތަކެއް ހިމެނުނު، އިބުރަތްތެރި ވާހަކައެއްގެ މައްޗައް ބިނާކޮށް ހަދާފައިވާ ފިލްމެއް ގޮތަށެވެ. އެގޮތުން ދިރިއުޅުގައި ހިނގާ ކަންކަން ލާމެހިފައިވާ މިންވަރު މިފިލްމުން ދައްކުވައިދެ އެވެ.

https://www.youtube.com/watch?v=cJ_scxzB7i0&feature=emb_title

ޑާކް ރެއިން އެންޓަޓެއިންމަންޓުން މިވަގުތު ކުރަމުން އަންނަ އިތުރު މަސައްކަތްތަކުގެ ތެރޭގައި ބަޅިނދު، ބީވީމާ އަދި ރެހެންދި ހަދީޖާ ހިމެނޭކަމަށް އެޕްރޮޑަކްޝަން ހައުސްއިން ބުންޏެވެ.