މިސްރުގައި ކިޔަވަން ހުރި ދިވެއްސަކު ކުއްލި ގޮތަކަށް މަރުވެއްޖެ އެވެ.

މިސްރުގައި މަރުވި ދިވެހި ދަރިވަރު މަރުވީ އެ ގައުމުގެ ވެރިރަށް ގާހިރާގަ އެވެ.

މީޑިއާތަކަށް މައުލޫމާތުދެމުން މިސްރުގައި ކިޔަވަން ހުރި ދަރިވަރަކު ބުނީ، މިސްރުގެ ގާހިރާގައި ކުއްލި ގޮތަކަށް ނިޔާވީ އުމުރުން 19 އަހަރުގެ މިންހާކު އީސާ ކަމަށެވެ.

އެގޮތުން މިންހާޖު މަރުވިކަން އެނގުނީ، ފެންވަރަން ވަން ފަހުން ހަބަރު ހުސްވެ، ގިނަ އިރުތަކެއް ވުމުންކަމަށާއި، އޭނާ އާއި އެކު އޭނާ ދިރިއުޅޭ އެޕާޓްމަންޓްގެ ދަރިވަރު ފާހާނާގެ ދޮރު ކޮށްޕައި ވައްޓާލައި ބެލުމުން ކަމަށް އެ ދަރިވަރު ބުނެފައިވެ އެވެ.

އެގޮތުން އޭނާ އޮތީ ފެންވަރަން އޮތް ޓަބުގެ ތެރެއަށް ވެއްޓިފައި ކަަމަށާއި، ހަށިގަނޑުގެ ބޭރުން އެއްވެސް އަނިޔާއެއް ވެފައި ނުވާކަމަށް އެދަރިވަރު ބުންޏެވެ.

މިންހާޖުގެ ކުއްލި މަރާ ގުޅިގެން، ރާއްޖޭގެ ފޮރިން މިނިސްޓްރީން ވަނީ މިންހާޖުގެ އާއިލާއަށް ބޭނުންވާ އެހީތެރިކަން ފޯރުކޮށްދެމުން އަންނަ ކަމަށް ބުނެފަ އެވެ.

އޭގެ އިތުރުން އެގައުމުގައި ހުންނަ ދިވެހި އެމްބަސީން، މިސްރުގެ ގާހިރާގައި ހުރި ދަރިވަރުންނަށް އެހީތެރިކަން ފޯރުކޮށްދޭނެ ކަމަށް ވެސް އެ މިނިސްޓްރީން ބުނެ އެވެ.