ގއ. ގެމަނަފުށި މަސްދޯންޏަކުން މަހަށް ނުކުމެ އުޅުނު ފިރިހެނަކު ކުއްލިގޮތަކަށް ނިޔާވެއްޖެ އެވެ.

މައުލޫމާތު ލިބިފައިވާ ގޮތުގައި ނިޔާވެފައި ވަނީ ގެމަނަފުށީގައި ދުއްވާ "ދޮންދީދީ" މަސް ދޯނިން މަހަށް ގޮސް އުޅުނު އުމުރުން 50 އަހަރުގެ މުހައްމަދު ވަސީމް އެވެ.

ވަސީމް ނިޔާވީ މަހަށް ގޮސް އުޅެނިކޮށް, ރަށާއި 50 ވަރަކަށް މޭލު ދުރުގައި ދޯނި އޮއްވަ އެވެ.

ކޯސްޓްގާޑުން މިހާރު އަންނަނީ ވަސީމްގެ ހަށިގަނޑު ގެމަނަފުއްޓަށް ގެންދިއުމަށް މަސައްކަތް ކުރަމުންނެވެ.