ތުރުކީ އަށް ހޯމަ ދުވަހު އައި ބިންހެލުމުގައި އެ ގައުމާއި ސީރިއާގައި ހާލުގައި ޖެހިފައި ތިބި މީހުންނަށް އެހީތެރިވުމަށް އިންޓަނޭޝަނަލް އެއިޑް ކެމްޕޭން (އައިއޭސީ) އާއި ދިވެހި ރެޑް ކްރެސެންޓުން ދިވެހިންނަށް ހުޅުވާލި ފުރުސަތުގައި މިހާތަނަށް އެހީގެ ގޮތުގައި ޖުމްލަ 3.2 މިލިއަން ރުފިޔާ ލިބިއްޖެ އެވެ.

އައިއޭސީން ބުނީ އައިއޭސީ އިން ބުނީ އެ ޖަމްއިއްޔާއިން ހުޅުވާލި ފުރުސަތުގައި މިހާތަނަށް 2.8 މިލިއަން ރުފިޔާ ލިބިފައިވާ ކަމަށެވެ.

ރެޑް ކްރެސެންޓުން ހާމަކޮށްފައިވާ މައުލޫމާތަށް ބަލާއިރު އެ ޖަމްއިއްޔާ އަށް 438,537.60ރ. އެހީގެ ގޮތުގައި މިހާތަނަށް ލިބިފައިވެ އެވެ.

ތުރުކީގައި ހާލުގައިނ ޖެހިފައިވާ މީހުންނަށް އައިއޭސީން އަންނަނީ އެހީވަމުންނެވެ. އެގޮތުން ތުރުކީގައި ހާލުގައި ޖެހިފައިވާ މީހުންނަށް، ކެއްކި ތާޒާ ކެއުން އަންނަނީ ބަހަމުންނެވެ.

މީގެ އިތުރުން އާއިލާތަކަށް އެއް މަހަށް ވާ ވަރަށް ކާބޯތަކެތި ފޯރުކޮށްދިނުމުގެ މަސައްކަތް ވެސް އަންނަނީ ކުރަމުންނެވެ.

ތުރުކީ-ސީރިއާ ބޯޑަރު ސަރަހައްދަށް ހޯމަ ދުވަހު އައި ބާރުގަދަ ބިން ހިންލެމުގައި މިހާތަނަށް 21،000 މީހުން ވަނީ މަރުވެފަ އެވެ. އަދި ލައްކައަކާ ގާތްކުރާ އަދަދަކަށް މީހުންނަށް އަނިޔާވެ، ފަރުވާ ދޭން ޖެހިފައިވެ އެވެ.