އިންތިހާބަކާ ނުލައި ފުނަދޫ ކައުންސިލްގެ ގޮނޑި ޕީއެންސީއަށް
އަލްހާނާއި ޝަހުބާންގެ ޝަރީއަތް ފަށަނީ
ބަނޑޭރިކޮށިން މަރުވެފައި އޮތް މީހަކު ފެނިއްޖެ
އަބްދުﷲ ޖަމީލު
ކޮވިޑް-19 އިން ރައްކާތެރިވުމަށް ކުރެވޭ މަސައްކަތަށް ކުރެވޭ ހޭދަ މިހާތަނަށް ޖުމްލަ އަދަދު 1.15 ބިލިއަނަށް ވުރެ ގިނަ ރުފިޔާ އަށް އަރައިފި އެވެ.
ފިނޭންސް މިނިސްޓްރީން އާންމުކުރި ކޮވިޑް-19 ގެ ހަރަދުތަކުގެ ތަފްސީލްތަކުގައިވާ ގޮތުން، މި މަހުގެ 20 ވަނަ ދުވަހުގެ ނިޔަލަށް، ކޮވިޑް-19 އިން ރައްކާތެރިވުމަށް ކުރެވޭ މަސައްކަތަށް ވަނީ ޖުމްލަ 1.147 ބިލިއަން ރުފިޔާ ހަރަދުވެފަ އެވެ. އެއީ، އޭގެ ކުރީ ހަފްތާއާ އަޅާބަލާއިރު 0.6 އިންސައްތަ އިތުރު އަދަދެކެވެ.
ފިނޭންސުން މިހާތަނަށް ކުރި ޖުމްލަ ހަރަދުގެ 91.4 އިންސައްތަ އަކީ ހެލްތު މިނިސްޓްރީ، ނެޝެނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްއޭ) އަދި އައިޖީއެމްއެޗްގެ ބަޖެޓުން ކުރި ހަރަދު ކަމަށެވެ.
"ޖުމްލަ ހަރަދުގެ 51.5 އިންސައްތަ އަކީ މިހާތަނަށް ފައިސާ ނުދައްކާ ހުރި ޕާޗޭސް އޯޑަރުތަކާއި އިންވޮއިސްތަކެވެ،" ފިނޭންސްގެ ރިޕޯޓްގައިވެ އެވެ.
މިހާތަނަށް ހަރަދުތައް ކޮށްފައިވަނީ:
- ޑިޒާޒްޓާ މެނޭޖުމަންޓް އޮތޯރިޓީގެ ބަޖެޓުން: 725.6 މިލިއަން ރުފިޔާ
- ހެލްތު މިނިސްޓްރީގެ ބަޖެޓުން: 169.5 މިލިއަން ރުފިޔާ
- އައިޖީއެމްއެޗްގެ ބަޖެޓުން: 69.3 މިލިއަން ރުފިޔާ
- ޕްލޭނިން މިނިސްޓްރީގެ ބަޖެޓުން: 37.3 މިލިއަން ރުފިޔާ
- އެމްއެންޑީއެފްގެ ބަޖެޓުން: 13.7 މިލިއަން ރުފިޔާ
- ފޮރިން މިނިސްޓްރީގެ ބަޖެޓުން: 6.9 މިލިއަން ރުފިޔާ
- އެންސްޕާގެ ބަޖެޓުން: 4.8 މިލިއަން ރުފިޔާ
- ޖެންޑާ މިނިސްޓްރީގެ ބަޖެޓުން: 2 މިލިއަން ރުފިޔާ
- ފުލުހުންގެ ބަޖެޓުން: 2.1 މިލިއަން ރުފިޔާ
- ހަޔަ އެޑިއުކޭޝަން މިނިސްޓްރީގެ ބަޖެޓުން: 3.1 މިލިއަން ރުފިޔާ
- އިމިގްރޭޝަންގެ ބަޖެޓުން: 0.8 މިލިއަން ރުފިޔާ
- ނެޝެނަލް ޑްރަގް އެޖެންސީގެ ބަޖެޓުން: 0.4 މިލިއަން ރުފިޔާ
- ޑިޒާޒްޓާ މެނޭޖުމަންޓް ފަންޑުން: 84.1 މިލިއަން ރުފިޔާ
- ޓޫރިޒަމް އެކްޓިވިޓީ އިމްޕްލިމެންޓިން ފަންޑުން: 28.2 މިލިއަން ރުފިޔާ
- ޒަކާތު ފަންޑުން: 3 މިލިއަން ރުފިޔާ
ތަފާސްހިސާބުތަކުން ދައްކާ ގޮތުން، މިހާތަނަށް އެންމެ ބޮޑު ހަރަދެއް ކޮށްފައިވާ ދާއިރާތަކަކީ:
- ޕީޕީއީ އަދި ޓެސްޓް ކިޓާއި އެ ނޫން ވެސް ސިއްހީ ހިދުމަތް ދިނުމަށް ބޭނުންކުރާ ތަކެތި ގަތުމަށް: 514.6 މިލިއަން ރުފިޔާ
- ވެންޓިލޭޓަރާއި ހޮސްޕިޓަލް އެނދު ފަދަ ތަކެތި ގަތުމަށް: 197.4 މިލިއަން ރުފިޔާ
- އާންމު ހަރަދުތައް: 117.3 މިލިއަން ރުފިޔާ
- އަސާސީ ކާނާގެ ބާވަތްތައް ގަތުމާއި ހާލުގައި ޖެހިފައިވާ މީހުންނަށް އެހީވުމަށް: 116.3 މިލިއަން ރުފިޔާ
- އެހެނިހެން ސިއްހީ ސާމާނު ހޯދުމަށް: 80.9 މިލިއަން ރުފިޔާ
- މެޑިކަލް، އައިސޮލޭޝަން އަދި ކަރަންޓީން ފެސިލިޓީތައް ހެދުމަށް: 68.1 މިލިއަން ރުފިޔާ
- ދަތުރުފަތުރަށް: 20.4 މިލިއަން ރުފިޔާ
- މަރާމާތާއި މެއިންޓެނަންސަށް: 19.1 މިލިއަން ރުފިޔާ
- މުވައްޒަފުންނަށް އެލަވެންސް ދިނުމަށް: 13.4 މިލިއަން ރުފިޔާ
ފިނޭންސް މިނިސްޓްރީން ވަނީ، ކޮވިޑް-19 އަށް ކުރެވޭ ހަރަދުތަކުގެ ތަފްސީލް ހަފްތާއަކު އެއްފަހަރު އާންމުކުރަން ނިންމާފަ އެވެ.
މީގެ އިތުރުން، ދައުލަތުގެ މުއައްސަސާތަކާއި އިދާރާތަކުން ކޮވިޑް-19އާ ގުޅިގެން ކުރާ ހަރަދުތަކުގައި ކޮރަޕްޝަންގެ އަމަލުތައް ވީހާވެސް ކުޑަކުރުމުގެ ގޮތުން އަމަލު ކުރާނެ ގޮތުގެ އުސޫލުތަކެއް ވެސް ވަނީ ކަނޑައަޅާފަ އެވެ.
ރާއްޖޭގައި މިހާތަނަށް 7047 މީހަކަށް ކޮވިޑް-19 ޖެހުނުއިރު، އޭގެ ތެރެއިން 4439 މީހަކު ވަނީ ބަލިން ރަނގަޅުވެފަ އެވެ. އަދި 28 މީހަކު ވަނީ މަރުވެފަ އެވެ.
މާލެ ސަރަހައްދުގެ ލޮކްޑައުން ނެގުމާއެކު، މި ދުވަސްވަރު ކޮވިޑް-19 ގެ ކޭސްތައް ފެންނަ ވަރު ވަނީ އިތުރުވެފަ އެވެ. -- އެމްބީއެސް
