ކުރީގެ ނައިބު ރައީސް އަހުމަދު އަދީބު ސިއްހީ ހާލުކޮޅު ދެރަވެ ކުއްލިގޮތަކަށް އައިޖީއެމްއެޗްއަށް ގެންގޮސް ފަރުވާ ދޭން ފަށައިފި އެވެ.

މައުލޫމާތު ލިބިފައިވާގޮތުގައި އަދީބުއަށް ފަރުވާ ދެމުން އަންނަނީ އައިޖީއެމްއެޗް އެމަޖެންސީގަ އެވެ.

އަދީބުގެ ހާލު ސީރިއަސްވެ ހޮސްޕިޓަލަށް ގެންދިޔަ ނަމަވެސް އެކަމުގެ ތަފްސީލެއް ނުލިބެ އެވެ.

އަދީބުގެ ސިއްހީ ހާލު ދެރަވެ ހޮސްޕިޓަލަށް ގެންގޮސްފައިމިވަނީ، އޭނާ ބޭސްފަރުވާއަށް ރާއްޖޭން ބޭރަށް ވަޑައިގެންނެވުމުގެ ހުއްދައަށް އެދިވަޑައިގެންފައި ވަނިކޮށެވެ.

އެމްއެމްޕީއާރުސީ ހިޔާނާތުގެ މައްސަލާގައި ހަތް ދައުވާއަށް ޝަރީއަތުގެ މަޖިލީހުގައި އިއުތިރާފުވެވަޑައިގަތުމުން އަދީބަށް ވަނީ 20 އަހަރުގެ ޖަލު ހުކުމެއް އިއްވާފަ އެވެ. އެކަމަކު އޭނާ ތަންފީޒު ކުރަން ޖެހިވަޑައިގަންނަވަނީ 19 އަހަރުގެ ޖަލު ހުކުމެކެވެ.