މިފަހަރު މި ގެނެސްދެނީ ވަރަށް ފަސޭހައިން ތައްޔާރުކޮށްލެވޭ އަދި އަނގަށް މީރު ސެލެޑެއް ތައްޔާރުކުރާނެ ގޮތެވެ. މި ސެލެޑް ގާތްގަނޑަކަށް ވިއްސަކަށް މިނެޓްގެ ތެރޭގައި ތައްޔާރުކޮށްލެވޭނެ އެވެ.

ބޭނުންވާ ތަކެތި

4 ސްކިންލެސް ބޯންލެސް ޗިކަން ބްރެސްޓް ( ކެވޭ ވަރަށް ކޮށާފައި)

2 މޭޒުމަތީ ސަމުސާ ޒައިތޫނި ތެޔޮ

1 ބޮޑު ލުނބޯގެ ހުތް

1 ރޮމޭނިއަން ލެޓިއުސް ބޮނޑި ކުދިކޮށް ކޮށާފައި

4 ފެނު ކެއްކި ބިސް ( 4 ބަޔަށް ކޮށާފައި)

25 ގްރާމް ޕާމެސަން ޗީސް ( ކުދިކޮށް ކޮށާފައި)

170 ގްރާމް ފެޓް ފްރީ ގްރީކް ޔޯގަޓް

މުގުރި އަސޭމިރުސް ( ބޭނުންވާ ވަރަށް )

ލޮނު ( ބޭނުންވާ ވަރަށް )

ހަދާނެ ގޮތް

ޗިކަން ކޮޅުތައް ލުނބާ ހުތް ކޮޅަކާއި ލޮނު އަޅައިގެން ފުރަތަމަ މެރިނޭޓް ކޮށްލާށެވެ. އަދި އޮލިވް އޮއިލް ކޮޅަކުން ތަވައެއްގައި ގްރިލް ކޮށްލާށެވެ. ގްރިލްކުރާނީ ޗިކަން ކޮޅުތަކުގައި ރަން ކުލައެއް އަރަންދެންނެވެ.

އެއަށްފަހު، ލެޓިއުސް, ބިސް, ޗިކަން އަދި ޔޯޓަގް ބޮޑު އެއް ތައްޓެއްގައި މިކްސްކޮށްލާށެވެ. އަދި އޭގޭ ތެރެއަށް ބާކީ ލުނބޯ ހުތް ކޮޅާއި ޕާމެސަން ޗީޒް ކޮޅުއަޅާލުމަށް ފަހު އިތުރަށް މިކްސްކޮށްލާށެވެ. މުގުރު އަސޭމިރުސް ކޮޅާއި ލޮނު ކޮޅެއް އިތުރުކުރާނީ ބޭނުންވާ ނަމައެވެ.

މި ރެސިޕީއިން ތައްޔާރުކުރާ ސެލެޑް ހަތަރު މީހުންނަށް ކެވޭނެ އެވެ.