ބޮލީވުޑްގެ މަޝްހޫރު ތަރި ސްރީދޭވީގެ ދަރިފުޅު ޚުޝީ ކަފޫރު އޭނާގެ މަންމަގެ މަޝްހޫރުކަން ކުޑައިރު ރަނގަޅަށް ނޭނގޭ ކަމަށް ބުނެފި އެވެ.

އެލް މެގެޒިންއަށް ދިން އިންޓަވިއުއެއްގައި އޭނާ ބުނެފައިވަނީ ކުޑައިރު މަންމަ އާއެކު ބޭރަށް ނުކުމެ އުޅޭއިރު، މީހުން މަންމަގެ ފޮޓޯ ނަގާ ހަދަ އެވެ. އަދި ބައެއް ފަހަރު މަންމަގެ ހުއްދައާއެކު އޭނާ އަދި ޖާންވީ އާއެކު ވެސް ފޮޓޯ ނަގަ އެވެ. އަދި އޭރު އެއީ ކީއްވެކަން ރަނގަޅަށް ނޭނގޭ ކަމަށެވެ.

ބޮލީވުޑްގައި ވިދާލި ސްރީދޭވީއަކީ އިންޑިޔާ ސިނަމާގެ އެންމެ ފުރަތަމަ ސުޕަ ސްޓާ ކަމަށް މީހުން ބުނެ އެވެ. އަދި އޭނާގެ ދެ އަންހެން ދަރިން ޖާންވީ ކަޕޫރް އަދި ޚުޝީ ކަފޫރް ވެސް މިހާރު ވަނީ ބޮލީވުޑަށް ނުކުމެފަ އެވެ. ޖާންވީ ވަނީ 20 ވަރަށް ފިލްމް ކުޅެފަ އެވެ. ނަމަވެސް ޚޫޝީ އަދި ކުޅެފައި ވަނީ އެންމެ ފިލްމެކެވެ.

ސްރީދޭވީ ދަރިންނާ އެކު

ސްރީދޭވީ މަރުވެފައިވާ ވަނީ ފެބްރުއަރީ 2018 ގައި ކުއްލި ގޮތަކަށެވެ. އޭނާ މަރުވި ހާޓް އެޓޭކްއެއްގައި ކަމަށް ފުރަތަމަ ބެލެވުނެވެ. ނަމަވެސް ފަހުން ޕޮލިހުން ބުނެފައިވަނީ އޭނާ މަރުވީ ގެނބިގެން ކަމަށެވެ.