މެލޭޝިޔާގެ އިންފްލުއެންސާ އެއް ކަމަށްވާ ޖޭސްމިން ޔޮންގްގެ ދެ އަހަރުގެ ދަރިފުޅު ހޮޓެލް ޕޫލްގައި ގެނބިގެން މަރުވެއްޖެ އެވެ.

މި ހިތާމަވެރި ހާދިސާ ހިނގާފައިވަނީ މި މަހު 17 ވަނަ ދުވަހު އެވެ. ޖޭސްމިންއާއި އޭނާގެ ފިރިމިހާ އަދި ދަރިފުޅު ހޮޓަލަށް ގޮސްފައި ވަނީ މި އަހަރުގެ މަންމައިންގެ ދުވަސް ފާހަގަކުރުމަށެވެ. އަދި އެދެމަފިރިންނަށް ނިދިފައި އޮތް ގަޑިއެއްގައި ދަރިފުޅު އެންޒޯ ވަނީ އެކަނި އިންޑޯ ޕޫލް ދޮރުހުޅުވައިގެން ގޮސް ޕޫލަށް ވެއްޓިފަ އެވެ.

ދަރިފުޅު ފެނުމުން ދެމަފިރިން ވަނީ އެމާޖެންސީ ސީޕީއާރް ދީފަ އެވެ. ހޮސްޕިޓަލުން ފަރުވާ ދީގެން އެންޒޯގެ ހާޓްބީޓެއް އަލުން ލިބުނު ކަމަށްވާ ނަމަވެސް މަރުވީ ކޯމާއެއްގައި އޮވެފަ އެވެ.

ދަރިފުޅު މަރުވިކަން ޖޭސްމިން ހާމަކޮށްފައި ވަނީ މި މަހު 22 ގައި އިންސްޓަގްރާމްގަ އެވެ. މި ހާދިސާއާ ގުޅިގެން ޖޭސްމިންގެ ފޮލޮވާސް ދަނީ އޭނާއަށް ގިނަ އަދަދެއްގެ ތައުޒިޔާގެ މެސެޖް ފޮނުވަމުންނެވެ.

ޖޭސްމިން ޔޮންގް އާއިލާއާއެކު