ވިލިމާލެ އިން ގެއްލުނު އަންހެން ކުއްޖާ ފެނިއްޖެ އެވެ.

ގެއްލިގެން ހޯދަން ފޮޓޯއާ އެކުގައި ފުލުހުން އާންމު ކުރީ ތ. މަޑިފުށި، ނައިޓްރޯސް އައިޝަތު ޒޯޔާ ފިކުރީ (14އ) އެވެ. ޒޯޔާ މިދިޔަ އަހަރު ގެއްލިގެން ވެސް ހޯދަން އިއުލާން ކުރި އެވެ.

މިފަހަރު އޭނާ ގެއްލިގެން ހޯދަން އިއުލާން ކުރީ ގެއްލިގެން އުޅޭތާ ހަތަރު ދުވަސް ފަހުންނެވެ.

ފުލުހުން ބުނީ އެ ކުއްޖާ ރޭގެ ވަގުތެއްގައި މާލެ އިން ފެނިފައިވާ ކަމަށާއި ކުއްޖާގެ ހާލު ރަނގަޅު ކަމަށެވެ. މިކަމާ ގުޅިގެން ފުލުހުން އިތުރު ތަފްސީލެއް ނުދެ އެވެ.

އެ ކުއްޖާ އެންމެ ފަހުން ފެނިފައިވަނީ އަންގާރަ ދުވަހު އެ ކުއްޖާ މިހާރު ދިރިއުޅޭ ގެ ވ. ނާލިސްއިން ކަމަށް ފުލުހުން ބުންޏެވެ.

ޒޯޔާ ގެއްލިގެން ހޯދުމަށް މިދިޔަ އަހަރުގެ މާޗު މަހުގެ 18 ގައި ވެސް ރައްޔިތުންގެ އެހީތެރިކަމަށް ފުލުހުން އެދުނެވެ. އެފަހަރު ހަމަ އެ ދުވަހު ހުޅުމާލޭގެ އެޕާޓްމަންޓެއްގެ ތެރެއިން ޒޯޔާ ވަނީ ފެނިފަ އެވެ.