ފޮޓޯ ޝޫޓިންނަކަށް ބޮލީވުޑްގެ މަޝްހޫރު ބަތަލާ މަލައިކާ އަރޯރާ ރާއްޖެ އަތުވެއްޖެ އެވެ.

ރާއްޖޭގައި މަލައިކާ ޗުއްޓީ ހޭދަކުރަމުންދާއިރު، އޭނާ ދަނީ އިންސްޓަގްރާމްގައި ރާއްޖޭގައި އޭނާ ހޭދަކުދަމުންދާ ވަގުތުތަކުގެ އެކި ފޮޓޯތައް އާއްމު ކުރަމުންނެވެ. މިފަހަރު މަލައިކާ ޗުއްޓީ ހޭދަކުރަމުންދަނީ ހެރިޓެންސް އާރަށުގައި އެވެ.

https://www.instagram.com/p/C-UT_NrodBg/?utm_source=ig_embed&ig_rid=4971d0fe-013d-4be6-8fe1-5be8e9f43364&img_index=1

މަލައިކާ ރާއްޖެއަށް އައިސްފައިވަނީ ގްލޯބަލް ސްޕާ އިންޑިއާގެ ފަރާތުން ރާއްޖޭގެ ރިސޯޓެއްގައި ކުރިއަށް ގެންދާ ހާއްސަ ފޮޓޯ ޝޫޓެއްގެ މަސައްކަތުގައި ކަމަށްވެ އެވެ.

https://www.instagram.com/p/C-RlFUMq0dZ/?hl=en&img_index=1

މަލައިކާ މީގެ ކުރިން ވެސް އެތައް ފަހަރެއްގެ މަތިން ރާއްޖެ އައިސްފައިވެ އެވެ.

އުމުރުން 50 އަހަރުގެ މަލައިކާ ރާއްޖެ އައިސްފައި މިވަނީ އުމުރުން 39 އަހަރުގެ އެކްޓަރު އަރުޖުން ކަޕޫރާ ރުޅިވެފައިވާ ކަމުގެ ވާހަކަތައް މީޑިއާގައި ދެކެވޭ ވަގުތެއްގައި އެވެ.

މަލައިކާ އަކީ ސަލްމާން ޚާންގެ ކޮއްކޮ އަރްބާޒް ޚާންގެ ކުރީގެ އަންހެނުންނެވެ. އެ ދެ މީހުން 2017 ގައި ވަކިވި އިރު، ލިބިފައިވާ ދަރިފުޅު އަރްހާން ޚާނަށް މިހާރު 21 އަހަރެވެ.