އެމެރިކާގެ ބައެއް ސްޓޭޓްތަކަށް ބާރުގަދަ ތޫފާނެއް އަރާ ގިނަ ބަޔަކު މަގުމަތިވެ، އެ އާއިލާތަކަށް 750 ދޭން އެ ގައުމުގެ ސަރުކާރުން އެއްބަސްވުމުން އެމެރިކާގެ ރައްޔިތުން ރުޅިގަދަވެއްޖެ އެވެ.

މި ކަމާ ހިތްހަމަނުޖެހި ޓިކްޓޮކް ފަދަ ޕްލެޓްފޯމްތަކުގައި ގިނަ ރައްޔިތުން ދަނީ އެކަމާ ނުރުހުން ފާޅުކުރަމުންނެވެ.

ގިނަ ބަޔަކު ބުނި ގޮތުގައި 750 ޑޮލަރަކީ ލިބުނު ގެއްލުމާ ބަލާއިރު މާކުޑަ އެއްޗެއް ކަމަށެވެ. އަދި އަމިއްލަ ރައްޔިތުންނަށް މުސީބާތެއް ޖެހުމުން ދެވެނީ ކުޑަ ފައިސާ ކޮޅެއް ކަމަށާއި ޔޫކްރެއިން އަދި އިޒްރޭލު ފަދަ ގައުމުތަކަށް ބިލިއަނުން އެހީ ދެނީ ކީއްވެތޯ ވަނީ ސުވާލުކޮށްފަ އެވެ. އަދި މި ފައިސާ ހޯދަން ކުރަން ޖެހޭ މަސައްކަތްތަކަށްވެސް ގިނަ ބަޔަކު ވަނީ ފާޑުކިޔާފަ އެވެ.

ހަރީކޭން ހެލީން އެރި ގިނަ ސްޓޭޓްތަކުން ކަރަންޓު ވެސް ވަނީ ކެނޑިފަ އެވެ. އަދި ގިނަ ހިސާބުތަކަށް އަދިވެސް ކަރަންޓު އަދި އިންޓަނެޓްގެ ހިދުމަތްތައް ރަނގަޅަށް ނުލިބެ އެވެ. އަސާސީ ކަންކަން ނެތް މި ސަރަހައްދުތަކުގައި މި ފައިސާއަށް އެދުމަށް އޮންލައިންކޮށް އެޕްލައިކުރަން ޖެހޭތީ ގިނަ މީހުން ވަނީ ފާޑުކިޔާފަ އެވެ.

ހަރިިކޭން ހެލީން އެމެރިކާއަށް އަރާފައި ވަނީ ސެޕްޓެމްބަރު 26 ވަނަ ދުވަހު އެވެ. މި ތޫފާނުގެ ސަބަބުން 200 އަށް ވުރެ ގިނަ މީހުން މަރުވެފައިވާއިރު ލިބުނު ގެއްލުމުގެ އަގު ދެ ބިލިއަނަަށް ވުރެ ބޮޑެވެ.